هل فعلا الناس الأكثر ضحكا هم الأكثر حزنا..؟؟؟..

:::هل فعلا الناس الأكثر ضحكا هم الأكثر حزنا..؟؟؟:::..



هل الناس الأكثر ضحكا هم الأكثر حزنا..؟؟؟





الضحك قد بات ليس الا قناعا يحاول الجميع أخفاء المستور كما يقال من ورائه.....


لم نعد نرى الضحكة والابتسامة الحقيقية النابعة من قلوبنا أنما أصبحنا نرى مجرد أبتسامات لاطعم ولا لون لها ترتسم عنوة


على وجوهنا نخفي من ورائها مشاعر الحزن والاسى واليأس التي نمر بها...



هل أصبح الضحك حقا قناعا نواجه به الاشخاص نلبسه كل صباح ونخلعه كل مساء مثقلا بالابتسامات المزيفة....



ترى هل نحاول خداع أنفسنا أم خداع الآخرين؟؟؟



هل أصبح زماننا الذي نعيشه يفرض علينا التحايل حتى بالابتسامة والضحك؟؟؟



هل تعايشنا مع قناع الضحك...كي لانشعر الآخرين بمآسينا....أم أنه الحال كي نستطيع التعايش مع الآخرين ويتقبلونا كنوع



من المجاملات؟؟




هل فعلا الناس الأكثر ضحكا هم الأكثر حزنا..؟؟؟




أنا اعتقد انو بعض الاحيان تجيي حالات مثل كذا
بعض الاحيا عادي اضحك كثير عشان انسى الالم الي بداخلي
بس غالبا وقت الهم والالم له وقته ووقت الضحك له وقته بس الواحد يحاول يضحك عشان ينسى ألم الدنيا والناس الي حوليه





موضوع للنقاش اعجبني اتمنى ينال اعجابكم حبايبي...

مشكوووووووووره بنت الرس وربي كلام جميلا فعلا انا بعض الاحيان من الضيقه اضحك ابس انسى الهموم

وفعلا لاسكة وتذكرررة همي ابكي

لكن احاااااااول احيانن انسى همي احاول اضحك<<لايكثر>><<طيب

يعطيك العافيه يالدربيه
<<مجلوده

تحياتي لك

لاازم الانسان يضحك لو بعينه الف دمعه اقل شي تنفس عنه شوي

بس لازم يكون بوقته

مشكوره خيتو على الموضوع

موضوعك جميل اختي
ندور الوناسه والفرفشه والضحك حتى ما يبين علينا الحزن ويكبر في نفوسنا
نحاول دفنه بضحكه
وحتى لا نزيد من حولنا قلق علينا نرتدي قناع الضحك لكن اوقات اذا ضحكنا تنزل منا دموع مو من الضحك لكن من الهم والحزن

وقد قريت قبل ان اتعس واحزن النجوم العالميين هم من نجوم الكوميديا حتى ان البعض يحسدهم على الضحك لكن واقع حياتهم تعيس وحزين جدا


مشكووره اختي والله يجعل حياتك ابتسامه وضحكه حقيقيه
دمت سعيده

بالنسبه لي الكل يسمين الظحاكه حتا الابلات من جد انا كثييييير اظحك بس ما اتوقع اني حزينه يمكن حياتي حزينه واللي حولي هواش وحزن بس انا الوحيده اللي فرفوشه بالعايله تقبلي مروري

اسعدني تواجدكم حبايبي...

بصراحه مووضوع رااااايق

انا احس الكلام هذا سليم 100%
كان معي وحده لوتشوفينه تقولين اسعد انسانه لكن !!! لما عرفته زين مازين والله طلع عنده هموم الدنيا ..,,
يقولون فاقد الشي لايعطيه >> لكن علم النفس نفاء هذه..

تقبلي مروري...........

هلا وغلا حنو نورتي

موضوع جميل
عندي وحدة من صحباتي كثيرة الضحك وكثير الحركة وطالبات الجامعة يموتو عليها ودام يتسالون هذي ماعندها اهموم بس تضحك وتستهبل وهي بداخلها هموم الدنيا بس اللي يشوفها يقول هذي مشاءالله عليها ماعنها لاهم ولاغم مبسوووووووووووووووطه واذا قلت لها ليش تسوين كذا وانتي مهمومه تقول عشان اوسع صدري وانس همومي شوي..