بالنسبه لرأيي .. فأتوقع ان المهر الكثير او الكبير يبي يخلي الرجال في دوامه من الديوون ..
وقد يطرأ على تفكير الرجل فيما بعد الزواج ان مماهو فيه من الأقساط المتراكمه عليه سببها الرئيسي هو مهر البنت المرتفع ,, وقد تتغير نفسيته كلما ظاقت عليه .. ,
اما المهر المعقول فهو يسير على الزوج محل بركة الرسول عليه الصلاة والتسليم .. حيث قال
"أقلكم مهراً أكثركم بركة".
فتجد نفس الرجل راضيه على زوجته يعلم انها جائت في امور متيسره غير مكلفه عليه لحد الوقوع في مصاريف كبيره ..
المهر اليسير وخصوصاً في وقتنا لابد منه ... واما منزلة المرأه وقيمتها .. فهذا الشي تحدده البنت من نفسهــــــــــا ..
في بششاشتها لزوجها واكرامها له والتودد اليه والنظر في اموره ومتطلباته من غير طلب منه ..
موضوع شيق ومفيد اتمنى الأجر لكيـ يامشرفتنـــــــا ... ,
المهر بهذا الوقت اصبح من المظاهر والمكاسب لبعض اولياء الامور وللفتيات اللاتي غرتهن المظاهر ينساقون خلف المظاهر الخداعه
المهر لم يحدده الشرع حتى لا يتسبب تحديده في التنفير من سنه سنها الله في مخلوقاته وهي الزواج
من ارهقت زوجها بمهر مرتفع ستجني ثمار ما اقترفت بعد الزواج من اثار نفسيه لدى زوجها بسب هموم اوقعته فيها فاكيف سيستقر معها ويسكن لها وهي من جلبت معها هذا الهم وهو الدين
هناك من يقدر ان يدفع ويدفع المزيد لكن لن يجني حلاوه الحياه السعيده المتوازنه اذا كان قد دفع هذا المهر للحصول على زوجه اللتي يبحث عنها فالمال لا يعدل الطباع او الطبيعه
ما الفائده في دفع مهر عالي وعند العشره يذهب هذا الغلاء بسبب سوء الطابع والتطبع
المهر الميسر هو من لا يجعل الزوج يعيش دوامه القلق هو مفتاح الحياه الزوجيه بدايتها يجب ان تكون ميسره حتى لا يغلب على حياته الهم كلما رأى طيف وجسد زوجته فيتصور له هذا الدين
هناك من طالب من الاباء مهر غالي يكسر الظهر طمعا منه او من ابنته حتى انه ليس ممن يعيشون حياه الثراء
فنجد ان الخلاف يدب بعد الاقتران بالزوجه وتعود اليه ابنته وفوقها مطالبه الزوج بأعاده ماله كاملا وربما زياده لخلاص الابنه منه فا يضطر الاب للعيش بكدر من سوء ما اقدم عليه عند طلب ذلك المهر العالي
الدين لم يحدد قيمه للمهر حتى لا يحدث صراعات ونزاعات وعدم استقرار بين الزوجين
بل حث على المهر القليل وجعل فيه البركه
الان نجد من دفع في مهرها الكثير تتمنى ان تدفع المزيد للخلاص من سوء معامله الزوج ونفسيته
وهناك من دفع لها القليل وتعيش بسعاده ما بعدها سعاده
المهر لا يبين قيمه الزوجه
المرأه فقط هي ما تبين قيمتها لدى زوجها كما ذكر مراقبنا الفارس في حديثه
من اذا دخل لها ابتسمت في وجهه ومن اذا نظر اليها اعجبته ومن بطبعها وعشرتها سرته وقامت على خدمته وشؤون بيتها على اكمل وجه ووجد عندها الراحه والملبس والكلام الجميل
هذا هو ما يجعل الزوج يعيش بنعيم
وليس مهرا غالي يكسر ظهره في كل مره تتحرك زوجته امامه الام ذلك الظهر تزداد اوجاعه
سامح الله بعض الاباء والبنات من يطلب المهر المرتفع للمفاخره
واسعد الله من دُفع له القليل وقبل
اسعدهم الله ووفق الله الجميع يارب
مشكووره مشرفتنا على هذا الموضوع
وعذرا للاطاله فالموضوع شيق ويطول الحديث فيه
موضوع شيق أختي تسلمين على الاطروحه الي قدميتها ..
بصراحة المهر مثله مثل غيرهـ لا يمكن ان يحدد قيمة شخص ما ..
لأن الانسان كرم منذ إشراقة دين الاسلام كرمة بتحريم الرقيق وجعله عتق الرقاب بعض كفارات ذنوب العبد ..
يعني المهر وضع للمرأة زيادة في تكريمها لما كانت تعانية في الجاهلية من ظلم وإهانة وليس كانه قيمة أو كأنها بضاعة ..
ولم يجعل واجبا تسير لحال الامة لأنه ليس كل لدية الاستطاعة على المهر فكم من زيجة تمت دون مهر ..
بالنسبة لي المهر لو كان يسيرا لن ارفضة ولكن دعني أسأل سؤال كثير من المصاريف يصرفها على اشياء تافهه ولم يحزنه التبذير ..
يشتري سيارة 120 الف ويقول 50 او 40 الف مهر كثير ..
يسافر كل سنه وتكلف سفرته من 10 الالاف لو جمعها بس قبل زواجه وتحمل شوي كان ماتتراكم الديون وخلها مهر لزوجة وش يضرهـ
بعدين المهر قاعدة توزعه هي قاعده تشتري زينة لها علشانه ولا علشان الناس ..
طيب هي وش تسوي كلش غالي من وين تجيب هذا وبعد اهله يعينونه بالذهب لان 50 الف الحين ماتجيب ولا طقمين ذهب او الماس تكون تليق بعروس جديدة بعد ما غلى الذهب وتصير يادوب تشتري من المهر طقم الزواج وساعة علشان يكفي الباقي اللبس والخ صعبه أنت مع الناس يعني غصب عليك تجاريهم شوي بس مو في كل امورك ..
الحين الشباب يقولون غلا المهور وهو بصراحة مو غلاء كماليات الزواج من حفلات وهدايا ومظاهر فقط فشخره واسراف الواحد يخاف العقوبه من كثر مايشوفه ..
اغلب المال الي يقصم الظهر يروح في حفلات الزواج يعني انا معهم مو لازم زواج بقاعة وبوفيهات وطقاقات وطاولات ظيافه وحلى ورد طبيعي في كل مكان وتجهيز القاعه بديكور خاص و و و الخ ..
زواج عائلي مبسط او حفلة رجال وبعدها إذا سارت الامور تمام سوو لها حفلة مبسطة ..
حتى بعض العرسان يجيب كل شي جميع يناس موب لازم بيت الزوجيه يكون كامل من كل شي ..
يعني المفروض الشاب يحط الشي الاساسي غرفة النوم والمطبخ لأن أهل الشاب عادة يعينون العريس في التجهيز البيت من مواد كهربائية وبكذا يعني وين تجي الديون لو تركد شوي ..
الخ يعني الاثاث يصبر عليه منه إنه تختارة العروس لانها خلاص مملكته وافضل هي الي تجهزه ومنها الشاب يرتاح وهي بعد من هم الديون ,,
بالنسبة للي يبالغ بالهدايا وأطقم الذهب وحفلة الملكة ومدري وشو بصراحة معهم حق ..
يعني لو قعدتوا تحسبون فرضا عندنا بالقصيم اقل مصروف لحفلة الزواج..
يعني راح تكلف 50 الف هنا صدق من حقه يموت قهر تروح بليله لا وبعد ليته تسكت السن الحريم الي مايعجبهن عجب ولا صيام رجب ..
بإختصار الحكم بأن المرأة يزيد من قدرهـ المهر فلا الي يزيد قدرة هو اخلاقها واخلاق اهله وتواضعه وحسن تصرفه وتدبيره وإحترام زوجه وتشيمة وتقدره
والحرمة التي تفكر ان زيادة المهر هو سعادتها فذي خبله لانه غلاه عند زوجه راح يكون بالعشره والمعامله ولو الفلوس تجيب الغلا والمعزة والمكانه والصيت تسان اجل كل راح يشتري ويكثر ولو تناظر لكلام قريناته وزميلاته فراح تتعب المفروض تكون تأثر ولا تتأثر خصوصا بالمواضيع الي زي كذا وتسوي شي ينفعه لانه خلاص بتركب المركب الي يركبه لانه لو طالته الديون بتطوله الهموم يعني أكيد راح تنغث معه وتببسط معه ولا وشلون صارت شراكه شراكه بس باأوقات السعيده غيره لا ..
ولا بعد ننسى بعض الحريم صدق تستهتر بزوجه لو قلل مهره وتذله بالطالعه والنازله لقلة مهره وتقارنه بغيره ,,
يعني حتى الرجال ماسلموأ,,
وكذالك الرجل إذا صان الحرمة وقدرهـ وإحترمه تأكدو لن تبخل المرأة العاقله في تنازلها عنالمهر بأكملة في سبيل إسعاد زوجها الذي أعطاها التقدير والاحترام وعاملها كما وصانا الرسول الكريم..
لكن المفروض الرجل مايستهين بزوجته إذا كان مهره قليل لان بعض ناقصين العقل يستهتر مع ان الي يلوي ذراع حرمته بهالكلام عزاي للحرمة الي اخذت مثل هالرخمة لانه لو كفو من يقدره ويحترمه ويعتمد عليه ويعد عزوهـ كان ما استغل هالنقطه ويحقره ويتكلم عليه ..
والمفروض الشاب والشابة يغسلون من روسهم فكرة إن الممنههر يرفع ولا ينقص من قيمة أي منهما..
بالنهاية المفروض البنت لاجاه الي تقتنع فية وصار المهر قليل تدعي ان الله يطرح فيه البركه وتخلي جل إهتمامه بالتوفيق وتترك عنها حكي الحريم ..
والولد من اول مايفكر بالزواج يقتصد ويحدد الاشياء الاساسية ويحط خطه معينه لتكوين عش الزوجية موب كل شي يكبة جميع ويفهم البنت الي متقدم له على كل شي بحيث تتكون الصوره ويرتاح وهي ترتاح
لانه دايم يتبيزع قدام المره واهله همن ينطقون به الاثنين بعد العرس بهم هالديون ..
وآخر شي فطنت لكلمة واحد لما قالو له وراك ماحطيت حفلة زواج قال يفرح الفين وياكل الديون اثنين موب لازم ..
معي شي بسيط اروح انبسط انا وياه فيه والباقي خلهم يحكون لين تنشحط حلوقهم هم بيسألون عن لا صكو راسي الديانه ..
أدري أني شطحت بالحيل وشعبت الموضوع لكن المعذرهـ ..
في هذا الزمن يقاس الناس بالمال
ودخل معها المهر ...وانا ضد الفكرره ..لكن التجهيز هالحين صار يكلف
واتوقع ان المهر عندنا معقوول يعني تقريبا 40000
اما بالنسبه للسؤال فما اظن ان المهر يسعد البنت او يرفع قدرها فالسعاده تاتي من الداخل.....
المواضيع المتشابهه
هل المهر يحد قيمة الفتاه ؟
العرض العادي
