الحب ماينقص لك دوم في زود


مخلوق لك مع خلقتي وإنتمائي


مثلك مثل طفل بالأحشاء مولود


أعطيه حبي والغلا والولائي


قطعه مني مالها حب محدود


فمعي تحسس كيف حب الضنائي


لاغبت لحظه صاحت عيوني السود


وأصبحت أنا في غيبتك إنطوائي


وإن جيتني غنيت شعري على العود


وأمسيت في جوي معك إستوائي


ياذايع السيره لك الشوق موجود


ياهمس حس فيك ذاق الهوائي


مابادلك حبك تعاتيب وجحود


أبادلك بالحب طيب ووفائي


صدق وغلا وشعور مافيه منقود


وحب أصيل شامخ في البنائي


الريح تترك عالي الصرح مهدود


إلا الجبال الراسيه وهي غلائي


أوطانك بقلبي تعذر عن وفود


نفيت من فيها بحكم الإبائي


هي بإنتظار اليوم اللي لها تعود


وتسكن بها زعيم برتبة لوائي


إن عدت تلقى فرشها شيح وورود


ويوطوف فيها بالغلا لك إنائي


وهي باقيه بإسمك على صكها شهود


عهدا" قطعته لك على حد رائي


تجي تروح تغيب حاضر ومفقود


ماأخون حبك لين أسكن ثرائي


جود على جود وأجود بالجود


وأعطيك يامعطي كامل عطائي


دامك دوا للداء والوصل موصود


أبحتمل الداء وأرجي الدوائي


يجوز قبل أرحل لوحشات ولوحود


فيك ألتقي ويطيب جرحي ودائي


وإن صار باب الوصل ضيق ومسدود


أجيك لو ضاقت حدود الفضائي


مالي من وصلك سوى شي مقصود


إني سفينه وأنت شاطئ منائي


أرسي على شاطيك هايم وموعود


وأرمي على شاطيك شحنة عنائي


لاناحت أشجاني وجاوبت للنود


جيتك على شاطيك أنثر بكائي


كني عن العالم مهجر ومطرود


إلا معك أحس بقيمة لقائي


أجلس مع الأطياف شارد ومشرود


وأرفض مع الإخوان أثبت إخائي


أكتب قصص أبطال وأجمع لك ردود


لين القلم أصبح لحبك روائي


كل يوم لي قصه معك فنها زود


مستلهمه بأجمل حروف الهجائي


الصبح أبدا منك وأرجع لك أعود


وأسهر على سحرك طيلة مسائي


الراك له شجره لها الروح مشدود


بس أنت عندي شجرة الكستنائي


جمالها شد النظر وراح بركود


يشوفها بإعلان وإلا خفائي


ماأقول أنت الحب وبالحب موعود


أقول أنا بالحب لأجلك فدائي:

ماأقول أنت الحب وبالحب موعود


أقول أنا بالحب لأجلك فدائي:

صح السان شاعرها..
وتسلم يمين ناقلها..

كلمات هذه القصيدة قمة الروعة..

الدانه..
أشكرك لتألق في اختيار الكلمات

أنتظر جديدك..

تقــ مروري ـــبلي
عـــــــــــــــــــــابر

مشكور عابر على مرورك العطر

قصيدة رااائعه لاهنتي ع النقل الجميل