مساءكم سكر .. !!
.
.
أشكر من وجه لي الدعوة الى الايفاء الى بيتي !!
.
.
مصافحة أولى ,, تمنياتي ان تصل الى درجة القبول .. !!
الإهداء : لها ,,ولرسائلها ,, وللفلبينيه بالمرة !!
.
.
البارحـة كنـت أتصـفـح رسايـلـك= هذي وله .. هذي طلب .. هذي إعجـاب
وهـذي رسالـه مـن رسايـل تدللـك= فيها شويـة شـوق .. وشويـة عتـاب
وهذي صورك بس القلاده ماهيب إلـك= الصـدر هـذا مايبـي فوقـه حجـاب
أطهر من المرجان وأصعب من الملك= وأعنف من التدمير من بعـد الإرهـاب
شمس الشموس اللي تغطي علـى الفلـك= لومرها ( كوكـب زحـل ) فوقهـا ذاب
والربطـة اللـي غارقـه فـي جدايلـك = تضم ( شـلال الذهـب ) قبـل ينسـاب
ورسايلـك تظهـر طريقـة تعامـلـك= مثـال رائـع للوصـل بيـن الأحبـاب
أقـرا الرسالـه فـي ولـه وأتخيـلـك= يامن زهتك أغلى الوصايـف والألقـاب
وإنتي تقولـي:( لازم إنـي أقابلـك)= جنب العيـاده وإنتبـه حولـك أجنـاب
وأقبلت أغني للفـرح قبـل ماأوصلـك= ودوّرت لـك بيـن الزوايـا والأسيـاب
أقول هـذي .. لا .. ولاذي .. ولاتلـك= إنتي وصوفك غيـر تلعـات الأرقـاب
وجيت العيـاده قلـت يمكـن أحصلـك= وإنشلت يدينـي قبـل ماأطـرق البـاب
وردت ( فلبينـيـه ) بفمّـهـا عـلـك= عنها الوصوف الرائعـة تأخـذ غيـاب
ويوم فتحت بـاب العيـادة وأنـا هلـك= متوتر وتايه .. ومشدود الأعصـاب
لقيـت مـن ذابـت ضلوعـه بأناملـك= سماعـة الكشـف .. وملفيـن وكتـاب
و( مريولك الأبيـض) كأنـه يغازلـك= عليه من ريحة جسدك أزكـى الأطيـاب
ولالقيتـك قلـت بـه شـي شاغـلـك= غيابك أنتـي مايجـي غيـر بأسبـاب
ودقيت لك .. لكـن مقفـل (موبايلـك)= ومقفلـه مـن بيننـا كــل الأبــواب
غيابك أصعب .. بس الأصعب تجاهلـك= لاطابت جروحي .. ولاخاطري طـاب
وعقب دريـت إنـه محـال ٍ تواصلـك= وإن الوصل مثل ( الوطن ) عند الأغراب
رجعـت ياكـل الغـرام .. لرسايـلـك= ألقى بها الذكرى عقب ماالوصـل غـاب
.
.
وسلامتكم .. !!
منصور المعمري
16/10/2008
المواضيع المتشابهه
. . . حبيبتي والفلبينيه وأشياء أخرى . . . مصافحة أولى ..!!
العرض العادي
