العبايات والشيل هالايام

[color="Cyan"][size="5"]عندي موضوع للنقاش ألا وهو: موضة الزخارف والرسومات الفضيعه اللي صارت تنحط على العبايات والشيل..


قبل تعودنا إنا نشوف البنت تلبس عبايه مزركشه بالأعراس والعزايم،
ولا وحده كاتبه على العبايه أتحداك تلمسني؟!!
ولا وحده حاطه عالشيله مربعات على مثلثات على اسطوانات على دوائر بخيوط نايلون وبكل الألوان؟!! <<< حشا رياضيات مب شيله!
وعلى فكره الأشياء اللي ذكرتهم موجوده وشفتهم مو من مخيلتي


فهل هذا جذب انتباه الغير؟
أم عناد؟ كل وحده تقول أنا بسوي شي مميز وعجيب بنظرها!!


ما دور الآباء تجاه هذا الشي؟


دائماً أتساءل.. البنت عادي تطلع من بيت أهلها رايحه السوق أو غيره بهااللبس؟
أم هي تعصيهم وتلبس غصب عنهم؟ أم ماذا؟؟؟؟؟


ساعدوني لأجد حلاً لهذه الأسئله..
خلونا نتناقش حول هذه القضيه، وأبي كل وحده تتكلم بصراحه،
عشان إذا كانت بينا وحده من هذيل البنات، يمكن تغير رايها بهالموضه وتنتبه لآداب اللبس




كلمه أخيره ^__^
فلندع عادات الغرب.. وننتبه لأنفسنا.. وننتبه لعادات دينا الإسلامي ومجتمعنا المجتمع الخليجي

فهل هذا جذب انتباه الغير؟
أم عناد؟ كل وحده تقول أنا بسوي شي مميز وعجيب بنظرها!!
على وصفك ياالغاليه احس اللي تلبسها حاسه بنقص في شخصيتها


ما دور الآباء تجاه هذا الشي؟
الدور الاساسي عليهم كلكم راع وكلكم مسؤل عن رعيته



دائماً أتساءل.. البنت عادي تطلع من بيت أهلها رايحه السوق أو غيره بهااللبس؟
أم هي تعصيهم وتلبس غصب عنهم؟ أم ماذا؟؟؟؟؟
مااظن ناس يرضون بهذا الشي

ساعدوني لأجد حلاً لهذه الأسئله..
خلونا نتناقش حول هذه القضيه، وأبي كل وحده تتكلم بصراحه،
عشان إذا كانت بينا وحده من هذيل البنات، يمكن تغير رايها بهالموضه وتنتبه لآداب اللبس




كلمه أخيره ^__^
فلندع عادات الغرب.. وننتبه لأنفسنا.. وننتبه لعادات دينا الإسلامي ومجتمعنا المجتمع الخليجي

كلامك عين الصواب وياليت كل وحده تنصح الثانيه باسلوب واقناع
الله يكتب لنل ولهم الهدايه




اتمنى مااحد يزعل من كلامي

أمس كنت المكتبة أشتري أغراض لأخواتي



حصلت بنت يمكن ثالث متوسط او اول ثانوي



لابسة عباية شكلها غريييييييييييييييييب جدا



عباية كتف فيها طربوش مدري طرحة شكلها غبي استغفر الله



ليش كذا ماصارت عباية صارت عرض ازياء ومعها امها بعد تتسوق معها



مشكورة يااختي على الطرح الجميل

مشكورين النظره الخجوله خطاها ضيع غلاها

[لا يسمح للزوار بمشاهدة الروابط. اضغط هنـا للتسجيل...]



[لا يسمح للزوار بمشاهدة الروابط. اضغط هنـا للتسجيل...]

اشكرك اختي الاسيرة على طرحك المميز

فعلا البنات هالوقت هذا ماعندها ذرة حياء وهذا يعود لسوء التربية ولو شافت احد مانعاها ما كان تمادت و لبست كذا

اكرر شكري لكِ يعطيكِ الف عافية..

بحور الشوق تميمه اشكركم على المرور

شكرا أخيتي ..
تعجبني .. مواضيع هالقسم دايم تكون .. حساسه وتستاهل المناقشة ..

رأي البارقة .. يقول ..

لن أوجه لومي وعتابي إلى من تلبس أمثال هالعبايات ..
فلأنها ناقصة عقل ودين بزيادة .. فهذا دليل على نقص في شخصيتها .. وتحاول ترمق هذا الفجوة بنقص أعظم
لكن من يشفي غليلي .. من

(أب أو زوج أو أخ )

يخرج مع أحد محارمه إلى الأسواق والمتنزهات .. وووو
وهي بكامل زينتها ..

أين الــــــرجــــــولـــــه؟؟ .. أيـــــن الـــغــــيــــرة عــــلــى الـــمــحارم؟؟ .. أين الـــشـــهـــامـــه.؟؟؟.

تجدينه يتبختر بها يمنة ويسرة .. ليبهر من حوله .. وماعلم المسكين أن من حوله يقبعون نظراتهم عليه إستهزار بهذا الجسمي الذكري لا الرجولي ..
يظنها رقي وتقدم .. وماعلم أنها رجعية وإنتكاس ..
رقي وتقدمي .. حين أقف بكل عز وشموخ بحجاب يسترني عن الأنظار .. لا يجعلني محط الأنظار ..
..
فلتعلم من تلبس أمثال هذه العبايات .. انها إنسانه .. مبيوع عرضها .. وشرفها
أنتي درة مصومنة .. وجوهرة مكنونه ..
حين تكونين بحجاب يسترك عن الأنظار ..

وتكوني سلعة رخصية ..
وشاشة عرض لأنظار للناس
حين تتبرجين

أختـــــــــــــــــــــــــــــــــــــــــاة ..

نصيحة لوجه الله .. لاتكوني ريشة في مهب الريح .. بل كون صمود في مهب الريح ..
لاتكوني شماعة ملابس .. يعلقون عليك .. مايشاءون ..
قفي وإصرخي بوجه الناعقون وقولي صه فلن أرضى بحجابي بديل
فوالله .. لايريدون إلا طهرك وعفافك ..

وليعلم كل مسؤل عن بيت من أب وأخ وزوج ..

أنه مسؤل أمام الرب جل وعلا في يوم تشخص فيهالأبصار ..
عن كل زلة قدم خطتها من تتبرج بحجابها .. وعن كل نظرة رمقت لها .. وعن كل من قلدها في حجابها ..

رد الله الجميع إلى الصواب

مشكوره اختي البارقه علىالمرور

اختي الحين بشوي يشوي يتركون العبايات ..
أول العباة على الراس وقطعه وحده ومنفوخة ماتلصق على الجسم ..
تطورو مخصرهع واكمام ومدري وشو وهنك تقولين شي ..
وربي اموت قهر العباة هذي في يوم راح تكون لحد لنا نلف
فيها بالله عليكم وشلون يلفونها على اجسامنا إذا كانت مخصره واكمام..
عاد الي على الكتف سواء فراشه او إن شاء الله اخطبوط مافيه امل تلف الجسم وتستره لانه راح تقصر من عند الرجل او الراس ..
وربي قهر قبل عشر سنين النقاب محل فتوى والحين نفرح نلقى وحده تلبس
عباية على الكتف وةمغطية وجهه ولا حطت مكياج عيون وعبايتها سواد في سواد دون زراكيش ..
ماغير اقول الله يستر علينا وعليكن وونستودعه ديننا وعرضنا وخواتيم اعملنا ..
طرح مميز لقضيه تحرق القلب ومازالت في تقدم نحو الأ سوأ ؟؟

شكرا" عزيزتي ودمتي بود ..