حكم متهم في التلاعب بنتائج الدوري الإيطالي يقود ديربي الرياض

الله يستر والله شكلهاا تبي تخرب المباراه اجل يوم السبت

يآكرهي للصحآفيين اللي يحآولون يسوون أكشن ع الفآضي
يعني يقولوآ تمت تبرئته و هالأوآدم اللي عندنآ مآزآلوآ يشككون فيه !
بس أعتقد أمر إيجآبي لِ محبي الترزز قدآم الكآميرآت و التشكيك في النوآيآ
لممآرسة هوآيتهم يوم السبت لِ جعل الحكم شمّآعه في حآل خسآرة فريقهم

السديم
مشكور ع طرحك

والله من الحين انبسط الفريق الخاسر

بيكون له عذر انه خسر والسبب الحكم متلاعب بالدوري الايطالي

الحين الرجال معه شاره دوليه من الفيفا ويحكم بكذا مسابقة اوروبيه وايطاليه وغيرها

وحنا نسوي فيها حبه ونص

الله يرحم ايامك ياابو زيد

^
^

اذا قصدك النصر معك حق !
أمآ الهلآليين ..
فليس من سيآستهم التبآكي بعد كل مبآرآة و التشكيك في نوآيآ الحكآم : )

والله ياافتفت كل الاندية السعودية مشتركة بالامر هذا

سوا الهلاال او النصر

بس معك حق النصر بنسبة اكبر منهم

بس اذا فكرنا بالعقل ادارات الاندية تسوي الشي هذا علشان تلقى اللوم

على الحكم وانهم مظلومين والا الفريق ممتاز واعداده جيد

يعني بالعامه يلهون الجمهور بالخرابيط هذي

هههههههههههههههههههههه
طرائف بالقسم الرياضي
شي جميل
اول شي ليس فقط نادي النصر الذي يتكلمـ عن الحكامـ
جميع الانديه
ورئيس نادي الوطني صرح بتصريح ناري لم يقم اي نصراوي بهذا التصريح
ولاننسى مافعله مدرب نادي ابها حينما لعبو امام الاتفاق ماذا فعل من شغب ودخول الى الملعب
وياعزيزتي فتافيت ساعقب على كلامك هذا

اقتباس ولسى و لله الحمد مآشفنآ من فريقنآ سوآء ادآره / لاعبين / جمهور ~ مآيسيئ لأي طرف

قبل موسمين او اكثر يخرج رئيس نادي الهلال ويعترف انه استفاد من الحكام وذكر اسامي
ولاننسى العام الماضي ماذا فعل جماهير الهلال مع الوحده
وماذا فعل لاعبكم من بسق واشياء اخرى للجمهور الوحداوي

اقتباس بأنهم فايزين ~ خاسرين ~ متعآدلين الحكم معهم ~ ضدهم

هههههههه تيب
مبارة الاتفاق الاخيره شفتو كيف الاخطاء التحكيميه
انا اصحابي هلاليه يقولون صراحه الحكم متحامل عليكمـ
والسبب صحفي او جريده باكملها تتكلم عن النصر وتعاطف الحكام معهم ههههههههههه
خسرنا نقطتين بسبب اطفال لا نعلم من سمح لهم بالمجال الصحفي

اقتباس والمضحك بعد كل هالتبآكي و تأكيدهم ع الطآلعه و النآزله بـأن النصر الفريق المظلووم و أن الهلال أكثر فريق مستفيد من الحكآم بعدهآ حصلنآ الهلال هو من طلب الحكم الأجنبي وليس النصرر ! هل لِ هذآ تفسسيررر ؟؟؟

حلو بس كان توافق بين النصر والهلال بدفع المبلاغ النصف بالنصف
ولايتحملها فريق واحد
تكون من قبل الفريقين

اقتباس ^ ^ اذا قصدك النصر معك حق ! أمآ الهلآليين .. فليس من سيآستهم التبآكي بعد كل مبآرآة و التشكيك في نوآيآ الحكآم : )

نسينا ماكان يقوله محمد بن فيصل
او الماضي لكمـ علطول ينسي هههههههههههههههههه
على العموم صراحه لو بعقب بطول
لكن لنا عوده اخرى
دمتمـ بخير
قصيمي فله

الله يعين اهل الرياضة من ارتفاع الضغط والسكر

بعرصي أو قصيمي
أجل كل يوم بنكون هون عشان تستآنس : )

ماأنكر إنه الكل يتكلم
لكِن مين أكثر نآدي يتظلّم من الحكآآآآآآآم ؟
من رئآسة عبدالرحمن بن سعود - الله يرحمه - حتى اخر رئيس
معقوله كل هذآ ظلم على النصر ؟؟
أو لِ جعلهم شمآعه لِ فشلهم ؟

اقتباس قبل موسمين او اكثر يخرج رئيس نادي الهلال ويعترف انه استفاد من الحكام

كلامك مردود
لأنه ذكر أن الهلأل مثله مثل غيره من الاندية مستفيد من الحكآم
ومآآأعتقد فيه نآدي في العالم ألا إستفآد و تضرر من الحكآم

اقتباس ولاننسى العام الماضي ماذا فعل جماهير الهلال مع الوحده وماذا فعل لاعبكم من بسق واشياء اخرى للجمهور الوحداوي

أخطآء الجمهور و اللاعب في مباراة وآحده و استحققنآ العقاب و عوقبنآ
it is easy : )

لكِن مآكنّآ أصحآب السوآبق
فقد سبقنآ النصرآويين في ذلك " وماأظنك نآسي قبل موسمين أو ثلاث و تصرفآت جمهور النصر في هدف التسلل تبع المشعل " !
و الليزر اللي ماأبتدعه في الملاعب السعوديه غير جمهور النصر !
ودخول رجالات النصر الى ارضية الملعب أثناء سير مباراتهم أمآم الهلال

رغم كل ذلك رأينآ اختلاف العقوبه بِ إختلاف الأنديه فالهلال تنقل مبارااته لملعب الخصم لِ يستفيد الإتحآد
بينمآ النصر يحرم من الجمهور لِ يتضرر الإتحآد : )

/

مباراة الاتفاق ماأقدر أحكم عليهآ لأني ماشفت الا الهستيريا اللي صاارت أخر الوقت
لكن هل اخطآء الحكآم تبرير كآفي للجنون اللي صار ؟؟
رمي الألعاب الناريه و الحديد ع اللاعبين لم يحصل الا من جمهور السوابق

الهلأل تضرر من الحكآم في هالموسم
لكِن وش كآنت ردة فعلهم ؟؟

/

وللمعلوميه الحكآم الهلال طلبهم و عليه كااااافة مصاريفهم

:

إترك المآضي البعيد خلنآ في المآضي القريب
اذا مرت خمس جولآت والحين في الجوله السادسه
وفي أغلبهآ إن لم تكن جميعهآ النصر لهم بصمه سلبيه فيهآ
مره الجمهور الاتفاقي ومرره نور و مره اللي دخل الملعب في مباراة الرائد
مع ذلك متأكدددده إن اليوم ماراح يمررونه بسلآم

مشكلة النصر يشوفون الكل ضدهم
معقول مآفي في هالبلد إنسآن له ذمّه وضمير " غيرهم " ؟

الى هنآ و إنتهى الكلام عندي لأني أعتقد لو بنظل نتكلم مآرآح نخلص من الموضوع : )
تقديري للكل و أتمنى تكون اليوم المباراة نظيفة بعيده كل البعد عن التشنجآت