احساس ضوء ابراهيم التميمي

ابراهيم التميمي

من الايميل

أحاول هنا أن أقرّب المسافة بين الضوء والكلمة
رغم لغة الضوء المعبرة .. إلا أن هناك مسافة طويلة
بين إحساسي وبين ضوئي ..
ولعل الضوء هو صوتي الحقيقي
والذي اعبر به من خلال عدستي ..

لذلك لا غرابه أن يجد بعض الشعراء
طول المسافة بين لغة التعبير والإحساس

ولعلي هنا افتتح ببعض قصائد البدر
الشاعر الرائع بدر بن عبدالمحسن

ياللي أجمل من كلامي عنك وأقرب من سكوتي
آه .. يا طول المسافة بين إحساس وصوتي
ما هو غريب أني اسألك ..
وانتي أنا كيف أوصلك ..
لا مستحيل هذا الرحيل
من يقطع الصمت الطويل
ويدلني ...
لكن نحب .. والله نحب .. وفوق الخيال
....

....
اسقني لو ما ارتويت
....

...
ظماي انت ..
ومن يعشق ضماه غيري
جروحي انت ..
ومن يكره دواه غيري
اسقني لو ما ارتويت ..
داوني لو ما شكيت
ماهقيت اني اعطش ..
في حياتي لغيرك انت
مادريت ان مابه أغلى منك ..الا انت
ما تصور ان عيني مره تغفى و ما اشوفك
ما تصور لو يطول الصمت ما اسمع حروفك
تدري احساسي بخوفي هو أماني
لما تسأل عني ليله عن مكاني
ما تصور كيف تحرقني الثواني
شمعه في ليل انتظارك..!
ياللي يسبقني زماني .. من عطش .. ليلي ونهاري
عطني موعد .. وانسى موعد
بس لا... تهجر وتبعد
يا ظما قلبي لقلبي ..
وغربة اعيوني عن عيوني
وينك انت
ياترى الليله في صدري
لا ..
في جفني
لا ..
في الشعور اللي خطفني
اه ... لو تدري بشوقي
آه ... .يا ظما الدنيا بعروقي

...

...

...
موت وميلاد
...


...
فـ عيني تغيب الشمس..وتشرق افـ عيني
في ناظري.. للشمس .. مـوتٍ ومـيلاد
للـيـل .. في دمعي .. سنا .. نجمتيني
وللصبح .. في جفني شفق هم.. وسهاد
كن السهر .. دربٍ عليه .. ابـ تجيني
ولا ودي.. أقطع درب لاماك .. برقاد
يا اللي جميع الـنـاس .. بينك وبيني
وكل لحظة .. أنا نتظـر منك ميعاد
عـذري لياسـي منك .. إنك تبينـي
خنت الرجا وان صنت لي عهد ووداد
ولمصافحك .. ربي خلق لي يميني
أمدها لك .. وصل .. وأمدها بعاد
الـ بسمتك .. ترخص غوالي سنيني
جرحي يهون ووجاير الشوق يزداد
أنسى عذاب العمر و ما أنسى حنيني
تبلى ليالي العمر .. وجروحك جداد
...


...

...

أنا حروفي في غيابك
لا هي حكي ولا هي قصيد

...

...
نامت عيونك
وصحى الليل مظنونك أغاني
قصّت جناح الثواني غيبتك
وصارت الساعة أماني

وآهـ ..آهـ
أنا حروفي في غيابك
لا هي حكي ولا هي قصيد
أكتب الظلما وأعيد
وإنت يا الفجر البعيد ..

إسهر معي ليلة
حاول تحس بلوعتي ليلة
عد النجوم وش كثرها.. ياللي بقلبي كثرها
نام .. القمر فـ وسادتك نام
ليتك تغير عادتك
خل القمر ليله.. يسهر معي ليله

أنا حروفي في غيابك
لا هي حكي ولا هي قصيد
أكتب الظلما وأعيد
وإنت يالفجر البعيد..
نامت عيونك

يا ساحر البسمه .. أساهرك نجمه
وابسمعك كلمه .. كلمه و لو كلمه
قم نادني .. يالله عسى تحتاجني
وإن مر ليلي ما سألت

وإن زاد ظلمك ما عدلت

آهـ.. آهـ
أنا حروفي في غيابك
لا هي حكي ولا هي قصيد
أكتب الظلما وأعيد
وإنت ياالفجر البعيد.. نامت عيونك
...

...
هـذي وردة للهـوى .. و هـذي جـروحـك ...
...

...
أسقيني حب أو أسقيني فرقا
أن صبرت الشقا أو هجرت أشقى
العمر يمضي .. والجروح تبقى
أختر الحل الصعب ..
يا تفارق يا تحب

لاتحدد لي مراحل
ياتجيني حب ياتودعني راحل
هذي وردة للهوى .. وهذي جروحك
عطني روحي سيدي أو خذها روحك
وش بقى ضاعت سنيني
يابعد قلبي وعيني

لا تردد في غرامي
أبتسامي دمع وسكوتي كلامي
أفتح أيدينك لشمسي ولهبوبي
وكحل عيونك بدمعي وبشحوبي
وأعشق الهم اللي فيني
هذا أن كانك تبيني
....

لا تملين الشعر وأنا القصيدة

...

لا تملين الشعر .. وأنا القصيدة
صاغها من لوعة أيامي زماني

المعاني من غرابيلي .. جديدة
من عذابي.. لحّنوا حلو الأغاني

كلما ونيت .. ردوهـا .. نشـيدة
واسمع جروحي تصيح بصوت ثاني

حرفي المجروح سامرهم يعيده
كلما ودعت مـوجـوع .. لفاني

مع جميع الناس و أفكاري وحيدة
شالوا الحاني وأنا شلت المعاني

زلّـت الأيام .. وأحـلامي بعـيدة
والغريب .. يعذبه طــول الثواني

الحزن لى ضاق في صدري شديدة
ابتسم .. لين يغبطني من لقاني

يا حبيبه .. شعري وغالي خريدة
يا اشتياق الروح ..يا داعي حناني

يا عروس في خيالاتي .. فريدة
زفها ركب الغرام .. الى مكاني

أنت ِ .. والأيام في وجهي عنيدة
والليالي سارية .. والعمـر فاني

خالد الفيصل



أشبهه باللي عسيف من الخيل



ياغالي الأثمان غلوك بالحيل

من يوم سمو بك جميل المحيا
شخص تمنيته على العدل و الميل و الحمدلله .. يوم خلـي تهـيا
أشبهه باللي عسيف من الخيل

تلعب .. وانا حبل الرسن في يديا
أورق غرامه مثل غرس على سيل مشهات قلبي .. يوم جاني شهـيا
أعن له .. عنة هل الكيف للهيل

ما ذاق راعي الكيف ..ذقته هنيا
حبه سرى بي سرية الغيم بالليل نسيم ليله .. قــال للشـوق هـي

خالد الفيصل







قطيرة ندى



أنا قطيرة ندى
تمشي على غصونك
ليش يا صبحي تتأخر ؟

أنا من رفة عيونك
أخلي كل قحط يابس
ربيع أخضر

تمنى .. يا قمر صدري أنا ليلك
ومن غير الصدر يا قلبي يشيلك
لو طفت الزمن بعيوني أشوفك
لو عفت النسم أعظامي ما تعوفك
بحر أنت .. و أنا قطرة .. على حروفك

أزين فرحتي بالنجمة وأتريه
مواويل الهوى في لحظة ورديه
أقول الورد ما ينسى أبد عطره

إذا غاب المطر
إذا غاب القمر
يرجع بعد فتره
اذا غاب القمر لازم وله جيه


علي الشرقاوي
...



يا منبع الثلج كيف تصب لي جمرة ؟



...يا منبع الثلج كيف تصب لي جمـرة
وأنت السحايب بكفك والضما فينـي
يا شين هالليل.. كنـه طايـل عمـره
أحس وجهه تعلق فـي شرايينـي
من حجة العام جرحي ماقويت امره
لا قلت هانت رفع صوتـه ينادينـي
و البارحه من طعونك كانت السمره
ما بين نزف القصيـد و فركة ايدينـي
اذكرك .. كان الغلا فنجال مع تمـرة
أيام تقدع غلاك ومجلسـك عينـي
تضحك وانا في سعادة غامرة غمرة
تحكي و اقول الغلا جاني يواسينـي
ومن الخجل لا نظرتك تشتعل حمرة
كنك شربت الزمان اللـي يبكينـي
عزاي في وقتي ..اللي فاتني أمـره
أني الى الحين.. مالي مـن يعزينـي

فهد السطامي...



نزل دمع وبعض الدمع واقفسأل عن باقي طيوفك عيوني



...فمان الجرح يا ذيك السوالف
بعد ما خانت ظنوني ظنوني
عرفت الغدر هو كذب الولايف
جروحك .. علموك وعلموني
نزل دمع ..وبعض الدمع واقف
سأل عن باقي طيوفك عيوني
انا كل المشاعر .. حيل خايف
ابسدل هالستار.. وساعدوني
وداع .. وكلمة التوديع .. آسف
واذا باقي لكم غدر .. اعذروني
حبيب الكذب.. فيني الصدق حالف
اموت الصادق .. اللي تعرفوني
سألتك .. هو بقى للناي عازف
يغني للحــزن مــرة .. بدوني
واذا صار الحكي كله حسايف
بعد ما اروح.. يكفي تذكروني

سعود بن عبدالله

ويبقى الحنين إلى ذلك الماضي الجميل





صوتك يناديني .. يناديني
تذكّر .. تذكر
تذكر .. الحلم الصغير
وجدار من طين وحصير
وقمرا ورى الليل الضرير
عند الغدير
وان هبت النسمة تكسّر
تذكر ..
جيتي من النسيان
ومن كل الزمان
اللي مضى .. واللي تغيّر
صوتك يناديني .. يناديني تذكر

ناديتي ..
خانتني السنين .. اللي مضت راحت
ناديت ..
ماكن السنين .. اللي مضت راحت
كنا افترقنا البارحة
والبارحة .. صارت عمر
ليلة .. ابد عيّت تمر
يا جمرة الشوق الخفي
نسيت انا وجرحك وفي

يتذكر الحلم الصغير
وجدار من طين وحصير
وقمرا ورى الليل الضرير
عند الغدير
وان هبت النسمة تكسّر

ريانة العود .. نادي
نادي الليالي تعود
بشوق الهوى .. بوعود
بوجهي اللي ضيعته زمان
في عيونك السود
يالنسمة العذبة
عنك الصبر كذبه
وفيك العمر موعود

اشتقت للحلم الصغير
وجدار من طين وحصير
وقمرا ورى الليل الضرير
عند الغدير
وان هبت النسمة تكسّر

بدر بن عبد المحسن
...





...بس أناظر في مكانك
و أذكرك و أذكر حنانك
تنزف أشواقي عشانك ..

و آه يالمكان

ألتفت حولي و أشوفك
و أرمي كفوفي لكفوفك
و ألمحك مقبل و أفز
و ما ألاقي إلا طيوفك
و أسمع بكاء الجدران ..

و آه يالمكان

حتى الزوايا حبتك
تشتاق مثلي لجيـّتك
نبكيك و جروح الغياب
بعثرتها و هي حنتك
ضعنا ! و ضيعنا الآمان ..

و آه يالمكان

يا زمن إرجع ورى
كل ما وقتي سرى
لين ترجع جيـّته
و أنسى كل اللي جرى
و نلتقي بنفس المكان ..

و آه يالمكان

( للأسف لم اعرف اسم الشاعر )







...أحمامة الوادي بشرقي الغضـا
مالي أراك حزينـة ل تهجـعي

حزني كحزنك لا يزال صبابـة
أن كنت مسعفة الكئيب فأرجـعي

إنا تقاسمنـا الغضـا فغصونـه
في راحتيك وجمره في أضلـعي

فترنمي وتغن غنـي وتغزلـي
فوق الغصون وجاوبيني واسجعي

إن كان حزنك من فراق فإننـي
فارقت من أهوى فطيبي واقنـعي

فارقتهم والدمع يجـري سائـلاً
حتى غدا طرفي قريح المدمـع ِ

رحلوا وسار البين يحدوا عيسهم
وتباعدوا حتـى تباعـد مطمـعي

يا ليتهم جادوا بطيف في الدجى
عند الهجوع يعودني في مضجعي

فلعل يطفي بعض نيران الجوى
ولعل يطفـي لوعتـي وتوجـعي

فهو الطبيب إذا أتانـي زائـراً
يا حب من ذا زائـري ومولـعي

ما هبت الأرياح مـن أطلالهـم
أو لاح برق نحو ذاك المربـع ِ

ألا بكت عيني دموعـاً مـن دم
كحسام عبدالله يـوم المصـرع

بديوي الوقداني

...علمتني وشلون أحب
علمني كيف أنسى
يا بحر
ضايع فيك الشط والمرسى
علمتني وشلون أحن
علمني كيف أقسى

سيّر علي ..
بس أمسح دموعي وروح
سيّر علي ..
جب لي معك قلب وروح
سيّر علي ..
إذا تذكرت الجروح

يا طاغي النظره خطا
تجزي بهالبخل العطا
و أنا اللي أهديتك أمن
عين وجفن
هذي فراش وذا غطا

يا جـرح من وين ابتدي ..
و أنت معي من مولدي ..
عيّت يدي
على وداعك تهتدي

بس أنت علمني الجفا
دامي عجزت أعلمك كيف الوفا

يا بحر
ضايع فيك الشط والمرسى
علمتني وشلون أحن
علمني كيف أقسى

طلال الرشيد





...
هذا أنا.. في وحدتي
بعدك على الله العوض
لا شفتني بمرايتي
القانا ما نشبه بعض
غيرتني ما عدت أنا
بين على وجهي العنا
وصارت تعابير الحزن
تمحي تعابير الهنا
و اتصنع البسمة عشان
الفرحة بوجهي تبـان
وشلون بس .. و بسمتي
وضع على الوجه انفرض
يالله على الله العوض
وشلون بس وكل شي
أيام قربك كان حي
واليوم ما بين الحياة والموت
لاتحزن علي !
لا شفتني بعدك حزين
باكر تفرحني السنين
مدام بعدك قسمتي
ما ني على امر الله معترض
يالله على الله العوض
بصبر وانا ياما صبرت
وياما قدرت و ماقدرت
اجني ثمر طول الصبر
وياما من احبابي خسرت
بس انت مابي اخسرك
دايم بشوق اتذكرك
وصورة قبال مرايتي
كل يوم تجمعنا بعض
يالله على الله العوض

فيصل السديري
...




أبوس راسك يا زمن.. ماعاد فيني للجراح
خلاص يكفيني أسى .. أبوس راسك يا زمن

يا مكثر ذنوبك معي .. ما كل ذنب لك يباح
لامن زعلت وش تستفيد.. وش مكسبك من ذا الحزن

استسلمي يا عزتي لا صارت ايامي سلاح
و كان نفسي اسعدك بس الليالي طولن

شعار دنياي الصبر و شعارها الدنيا كفاح
لا قلت يوم و تستوي ..مرت سنين وما استون

والله اني مقتنع باللي يصيب من الرماح
اصغر رماحك صابني يوم أكبر رماحك طعن

وفوق هذا ما سلمت.. انا اسمح ولا القى سماح
كلن يمن بجيته ..حتى الدمع لا جاء يمن

حاولت انا اشعل شمعتي بس المصيبه في الرياح
لا هي باللي نورن.. ولاهي باللي انطفن

اخترت في الدنيا ثلاث.. الستر وانصاف وصلاح
و كرهت في الدنيا ثلاث .. لا و لايمكن و لن

وحبيت في الدنيا ثلاث الفن وأمي و الصباح
و حلفت لا ما أخون الثلاث انتي و جاري و الوطن

مساعد الشمراني
...




في جفاف العمر من قيض الملل
توسـم قلبي .. بقلبك .. ربيـع
يوم شفتك شي بشرني حصل
هو لقيته.. عنه ما يمكن اضيع
جيتك وما أدري من الأول وصل
هو انا والا انت والا حنا جميع ؟!
من جاوب يا حبيبي ومن سأل
من مسك ومض السعادة لا يضيع
في ثواني كل شي ناقص كمل
وكل مبعد .. عاد لدروبي سريع
مستحيل وممكن وصعب وسهل
كلها لأمـر الهوى .. تخضع تطيع

تركي





...وين أنت .. وشخبارك
يا مغرب عن ديارك
أنا كل يوم اكحل ناظري بدارك
اتمشى تحت هالسور اناظر بيتك المهجور
وينك يا فنر هالبيت وينك
بعدك انطفى العالم
ما بقى بالشوارع نور
وين انت
حبيبي .. اذكرك بالخير
واشوفك روضي الأخضر
و اشمك ريحة النوير
ذبل هالورد ..
بعد ما فارقه الساقي من يرويه
تعال ارجع ..
و اذا بعمري بقى باقي بشوفك فيه
وينك يا فنر هالبيت ..
بعدك انطفى العالم
ما بقى بالشوارع نور
وين أنت ..
انتهى العام .. و ابتدى العام الجديد
و انت ناسينا .. ناسينا اكيد
الله .. ما كن في هالدنيا ورق ولا بريد
و انت بعيد ..
تاحش السكه و انا فيها الوحيد
و اللي بقى باب حزين
وسور غطاه الجريد
وينك يا فنر هالبيت وينك
بعدك انطفى العالم
ما بقى بالشوارع نور
وين انت

عبداللطيف البناي...





قالوا سألتي عني
وانا مدري ويني
ضايع يا عيني
مدري وش اللي ذكرك
مقطع شعر في دفترك
و الا الكلام عن صاحبك
و انتي عقدتي حاجبك
قلتي كلام كله كذب
ليه اتصلتي وعني سألتي
آخر لقانا في الخريف
تذكّر الثوب الخفيف
والبرد يوم خفتي علي
من البرد و امطار الخريف
مرت سنة يمكن سنين
ويني انا .. وين السنين
صوتك طيور مهاجرة
مرت في قلبي مسافرة
و الحب .. لو طال الغياب
أول مداك و آخره
غيبي .. سنه و لا سنين
بجيك انا .. والا تجين

بدر بن عبدالمحسن
..

......بــ أرحل على متن السحاب


..
كل الجراح تهون يا جرح انا بذاتي
كل المآسي طعون والشي لـ مآساتي
يا غربتي .. طالت معاك رحلتي
في دنيتي .. صرتي مساري وسكتي
كفى .. والله طواني ليل الاحزان
غفى دمع الفرح بعيوني ولهان
كل الجراح تهون يا جرح انا بذاتي

يا دمعة الليل الطويل يا سر احزاني
شايل معاي المستحيل والصبر عنواني
سيف الصبر ذبحتني يا سيف الصبر
غربة وغدر .. آه من الغدر
يا غربتي .. طالت معاك رحلتي
في دنيتي .. صرتي مساري وسكتي
كفى والله طواني ليل الاحزان
غفى دمع الفرح بعيوني ولهان
كل الجراح تهون يا جرح انا بذاتي

بودعك يا ليل العذاب
بودعكوارحل على متن السحاب
بتشوفني مثل الضباب
مثل الوهم .. مثل السراب
لو مرت الذكرى عليك
ما ارد لك لو هلت دموعك ندم
ما ار د لك كل عيشتك صارت الم
يا غربتي .. طالت معاك رحلتي
في دنيتي .. صرتي مساري وسكتي
كفى والله طواني ليل الاحزان
غفى دمع الفرح بعيوني ولهان
كل الجراح تهون يا جرح انا بذاتي

سهيل



..عذرتك بالرحيل



..ودعتك وقلبي معاك .. ولاقدرت أودعه
ابسألك لو مارجعت .. وشلون أنا برجعه
مادامك أكثر من يغيب .. ولا تركت إلا حبيب
ان طالت الرحله عليه .. أكثر مسافاتك معه

منت الأخير منت الأخير .. اللي نسوا قبلك كثير
لكنك الخل الوحيد .. اللي خذاها من سعه
ماكن لك دمع وعيون .. الا جفيتك يزعلون
ياما سهرت بخاطري .. تنثر شتاتك و أجمعه

واللي يبي الفرقى خلاص
يلقى سبب لأجل الخلاص
لو ما يخونه أي حبيب .. يقوى هواه ويمنعه
أنا عذرتك بالرحيل
والحمل من دونك ثقيل
ودعتك وقلبي معك .. قلبك متى بأودعه

فيصل البراك

...........
مثل عصفور
..
مثل عصفور ..

أدور براحة يدينك
وجنحاني يبللها مطر قربك شقاء وحيرة

وتعرف مجنون وأنا مسجون في يدينك
أطير وموطني عينك
مع اني وأنا فيها أموت من الحزن مقهور
مثل عصفور
رضيت أقبل
وأنا اللي كنت ما أقبل
تحت ظل الألم أحيا مع من كان ولكن ما أدري وش اللي صار وخلاني أوافق
تنسجن روحي وتسكن في جسد ثاني
وليه هالوضع أنا أقبل وأنا كلي ألم مكسور
مثل عصفور
غريبة حالتي هذي
وأغرب منها قلبي يحبك وأنت سجانه
عجز ينطق بكلمة آه
رغم ان الألم والآه .. دواهم صرخة أحزانه
شـ سمي حالتي وأياك
أسميها ما أقدر أسميها
ولكن كل من شافوا وش اللي صابني خافوا
وقالوا هالولد مسحور
مثل عصفور



............بكره تتذكر تعرف قيمة إحساسي .. وتبكي دم



..بسيطة

بكره تتذكر .. وتعرف قيمة إحساسي
وتبكي دم ما يلم من كثره
وتتحسر على العشره
عدد شعرك بعد ما أروح
و أغادر عالمك مهزوم
بليا روح بقايا جروح
ي اروحي طواها الهم

وتعرف قيمة إحساسي ..
وتبكي دم ما يلم من كثره

بسيطة

حبيبي كنت قبل أعرف تفاصيل الشعور
اللي خذا قلبك قبل لا تغير أسلوبك
وتتغير على قلبي و تلعب بي كني اكبر ذنوبك
حبيبي كنت قبل ما أكتشف اني و انا يمك بعيد كثير
غريب وهدني التفكير
في بعادك ولا همك
وتبيني انا اهتم

وتعرف قيمة إحساسي ..
وتبكي دم ما يلم من كثره

بسيطة

تعبت من الشعور
الي تجاهلني وعذبني
وخلى حالتي حاله
و قررت اتركه وانساه
مادام اني صعب القاه
أظن أحسن لي و أحسن له نكون ابعاد
نتفارق بلا ميعاد
ونترك بعضنا أرحم

وتعرف قيمة احساسي..
وتبكي دم ما يلم من كثره

بسيطة
منصور الشادي



آخر مسافات الصبر..



منين اجيك .. يا آخر مسافات الصبر
منين اجيك .. ياحب علمني السهر
ل انت يمي واشوفك .. ماعندي الا طيوفك
منين اجيك و انا اللي عليك ضيعت العمر
وينك تعال
مليت من كثر السؤالوينك تعال عمري قضى وصبري محال
والله لو تسأل جروحي
واحساسيونبضي وروحي
تلقى حياتي كلها تصرخ تناديك تعال
ارجع انا مشتاقلك
مـحتــاجلــك يــمي تــكون
لان الدنيا من غيرك لاطعم فيها ولا لون
لا انت يمي واشوفك ماعندي الا طيوفك
خالد البذال



للأسف .. ينقص وفانا.. مع مرور الأزمنة ..



لا تخاف من الزمان .. الزمن ماله أمان
خف من اللي كل امانك في يديه وتامنه
لو حبيبك ما وفى لك لو حبيبك فيك خان
ايش ترجي من زمانك ؟ .. النتيجه باينه

نكتشف مر الحقيقه بعد مايفوت الأوان
قلت لك لاتندفع له .. قلت حبي صاينه
وينه اللي صان حبك؟ ما أشوف اليوم بان
قلبك اللي هوا قلبك لا تحسبك ضامنه

لاتعذّر باحتياجك .. كلنا ناقص حنان
كلنا طفل يتمنى أي شخص ٍٍٍِ يحضنه
نبني الدنيا وحنا نوقف بنفس المكان
للأسف ينقص وفانا.. مع مرور الأزمنه

العالية
..


على صدر الزمن باكتب شعوري..



أنا إنسان مع نفسي قبل لا أكون معك إنسان
و لي مبدأ و لي نظرة .. و تحكمني قناعاتي
أحاسيسي حقيقة ثابتة بالوصل والهجران
أنا طبعي إذا حبيت .. أحب بكل حالاتي
منادي .. و الندا نابع من الوجدان للوجدان
إذا ما ينطق إحساسي .. حديثي يشبه سكاتي
غموضي في الهوى تصريح وسره يفضح الكتمان
ونظرات الوله والوجد .. هي أجمل عباراتي
و لا أجامل بأحاسيسي ولا أقبل في الهوى إحسان
و لا للمصلحه .. يا سيدي .. دور بعلاقاتي
ولو ألغي شعوري ما بقى لي صاحب ولا خلاّن
يرافقني على مر الزمن .. جرحي و دمعاتي
أحب الصدق وأعمل به كسبت أو كنت أنا الخسران
ولو صدقي يخسّرني .. تشرّفني خساراتي
رفيق العمر لو تجفا نبض الحرف والشريان
إذا ما غصت بأعماقي .. متى تفهم معاناتي
على كثر الخطأ غافر ولا اغفر غلطة الخوّان
جزاه الصدّ و الفرقا .. ولو عاندت رغباتي
ولولا العفو ما اخطينا ولا نحيا بلا غفران
خطايانا دليل إنّا بشر .. ومنّا الخطا ذاتي
على صدر الزمن بكتب شعوري موعد وعنوان
و تعرف الشوق لو فتّشت عن سر إبتساماتي
إذا كان الهوى نعمة بحطّك نعمة الرحمن
وإذا كان الهوى غلطة .. بحطّك كل غلطاتي

سعد آل سعود
..

...

..
مشتريه بماي عيني ومدلله
مثل الطفل يخطي علي واتحمله
ما حيلتي طبعي السماح
اكثر من العمر اللي راح
عشرة عمر وسنين .. اتحمله
مشتريه
ابتسم له حتى في لحظات الغضب
ابتسم له حتى في كلمات العتب
بإقتداري اجفي .. واعاند بالمثل
بإقتداري اعامله برد الفعل
حبيبي يا حبيبي
كثر ما شفت من الآم من افراح
حبيبي يا حبيبي
معاك انته صدقني انا مرتاح
احبك يا كل العمر
احبك وتامر امر

ما حيلتي طبعي السماح
اكثر من العمر اللي راح
عشرة عمر وسنين .. اتحمله
مشتريه
شعر .. عبداللطيف البناي
..

.....

..
حتى لو كنت السنين اللي راحت
ما أقدر انا احبك
حتى لو كنت الحنين اللي في جراحك
ما أقدر انا قربك
انتي نيستي
وكيف انا مانسى
انتي قسيتي
وكيف انا ماقسى
يا صدى من غير صوت
مابه حياة من غير موت

لوتدرين وش انا منها خايف
انو باقي لك من الذكرى حسايف
اخاف شوق الالم
واخاف ذكرى القلم
اخاف يحكي السطر و الورق
اخااف يشكي الشقى و الارق
ياصدى من غير صوت
مابه حياة من غير موت

ياذكرى الصحاري والجفاف
يا يأس اللي باقي و اللي طاف
ماعاد شي يربطني فيك
اللي الشقى ان كان يرضيك
حتى السنين اللي عطت
حتى الدموع اللي بقت
صارت تخاف

شعر .. مساعد الرشيدي
..

.....

..
كـل أرضٍ تشيلك .. يـا ثـقيـل الحمــول
وكل وقتٍ كريمٍ .. بالرضا والزعل
وين مـارحت تلقى لك حبيب وعـذول
وين ما كنت .. تلقى مثل ياسـك..أمل
يا طـريق الترجي .. والوله والـنـحول
والله إني مـشيـتـك... لـين حد الـثـمل
مالقيت فوصولي لغـير قــبري وصول
ولا عـرفت فـحياتي مثل عرفي الجهـل
لا تظـن المـسافر مـن يسوق الـرحول
مـن وقف دون حلمه عاجزٍ ما رحـل
وما لمخلوق منجا في الحذر والجـفول
مـا تـصيب السـهام ولا يـطـيـش الاجــل
الـلـيـالي خــوات.. مــير مـنـهـي البـتــول
والحــوادث عـشـايـر مـير ويــن الفـحـل
ليلةٍ لـك .. وليله بـالفـــرح مــا تـطــــول
ولـيـلـةٍ مـن شـهـدهــا ذب راس الــجبــل
أتذكّر في عين الشمس .. طفــلٍ خـجـــول
شـالـتـه فــي هــدبـهـا وقـت لـين إشـتـعــل
أعجب الناس وهجـــه بالجــدل والفـضــول
ما دروا عن (جمـــال الجـرح) لــين إنـدمـل
والله اني كتـبـتـه.. في العطــش والذبـــــول
لــين غـصـنــه تــعــدل بـالــورق وإعـتــدل
والله إنـي كــتـبـتـه لــــين قــــال الجـهـــول
والله إنـي كـتـبـتـه وانــتــشـى واحـتـفــل
ما أتفه الشعر .. كانه هالحكي اللي نقول
لا تـعـدى الــمــديـح .. ولا تـعــدى الـغـزل
إن لثمت الزهـــــور وصــــاحبتني الحقــــول
مـا هقيت ان صافـي الشهـد.. عيب النحل
ما بقى في ضلـوعي كود ريـح مـعـمـــول
وثـــوب شـاشٍ عـليه مــن النــدامـه وحــل
ألـتـفـت للـطــــريــــق ومــا عـــبر مــنــه زول
فـــي جـفــوني تـزاحم .. عبرتي والـوجــل
طـلـت يا العـمر والا قــلــعـتـك.. لا تـطـــــول
طــاولــتـنــا الـلـيــالي بالـسـهــر والــمــلـل
إن تـعـبـنـــا نـحـب .. ولا لــقــيــنــا قـبــــول
مـا تــسـر الامـــانـي .. ولا يـفيـد الـعــذل
لكن .. الله كريم .. وكل هـــمٍ يــزول
مـا على الله بعيد .. ولا جـفـاك الـمـحـل
كـل أرضٍ تشيلك .. يـا ثـقيـل الحمــول
وكل وقتٍ كريمٍ .. بالرضا والزعل

شعر .. بدر بن عبدالمحسن
..

.....

..

مثل العسل وسط الضماير غلاكم
وأنتوا عسل كل الليالي والأيام
جر القلم بالشوق خطه جدام
حبره محبه وصورتك فكر وألهام
نوفي ولكن ما نوصل وفاكم
الكم وفى ومنك الوفايا خذ أحكام
مزن بروقه لاضيات بهواكم
نجم فريد بلمعته وسط الأجرام
نقشت أنا ودي بصفحة سماكم
وبدم قلبي صارت تخط الأقلام
فكري سرى بلهفه غيومه تباكم
تمطر عليكم أطيب حروف وأنغام
لا عاش شعر في حروفه جفاكم
ولاعاش عمر ما قضى بحبك أعوام
مثل العسل وسط الضماير غلاكم
وأنتوا عسل كل الليالي والأيام

شعر .. علي سالم الكعبي
..

.....

..
ارحلي للنسيان.. و الذكرى وهم
ارحلي صرخة مايسمعها احــد
في عالم النسيان نسيت الندم
نسيت ليل طويل فكر .. و سهد
خلك بقايا جـــرح .. ما له الـم
مجـرد عــلامـة .. تشوه جسد
لاتبحثي ماضي في حكم العدم
و لا توقـظ من البارحه حلم رقـد
انسي .. جـــرات هــاك القلم
في نشوة الحب .. كتبلك عهد
لاتصير ضامي من بالمـاء حلم
يطرد ســراب .. لا جـاه ابتـعـد
خلينا في دبرة حكي من حكم
مزون حكمه يسبقها برق ورعد
(بصوت الأرض )
..

..

إبراهيم التميمي

ارجو ان ينال اعجابكم كما راق لي
دمتم بخير

خطيييييره الصور

تسلم يدين ابرآهيـــــــم التميمي ،،

و تسلم يدينك .. وردهـ


لا عدم

ماشاء الله
صور ابدع بها ابراهيم التميمي ..
وردة بريدة ...شاكر لك هذا الموضوع الجميل

يااااااااااااااااه

ذا الإنسان خطير ماشاءالله تبارك الله

هذي الصور ولابلاش :(

يسلمو ذوقكـ ياائمر .. ْ~