ديوان سعد علوش

الشي الغريب



أنت بتسافر حبيبي .. نعم سافر وغيب
بس تكفا سم بالله على عقلي .. لا ماع

لأن ماني قادر آوادعك وأنته قريب
كيف وأنت بعيد تبغاني آقول الوداع

بس لحظه قبل لا أنسى لاتنسى يا اللبيب
قل لما تملكه من مغريات ومن متاع

أنّي آحبّك وأحبّك وأحبّك .. لين أشيب
يعني لين آموت وآنا أحبّك للنّخاع

أحشمك وأغليك بالحيل .. والشي الغريب
أنّي أكره كل فكره تقودك .. لنصياع

كان مال لمشكلة وصلنا الاّ حل .. عيب
كب حبّيلك وسمّه متاهات وخداع

لانّي أطهر من بيخسر على الدنيا حبيب
ولأّنك أنقا من وطت بطن رجله ظهر قاع

كثر مايدعوني أهل الهوى ولا أستجيب
كثر ما صفّط على بعدك ذراع .. وذراع

آه لا وقّفت من بين بتصيب وتخيب
بين يدّين المواليف وأفواه السباع

وآه لامنّي ذكرت أن كلّن له نصيب
وآه لامنّي ذكرت أن على وجهك قناع

أشعر أنّه منخلق من عسل ورد وحليب
وأشعر أنّي كل ما أذكره .. مجموعة جياع

ليت مالك في حياتك خويّ .. ولا طليب
كان بااخشّك وسط خافقي وآآقول .. ضاع

أمحق الله سعو ولف الهيام . وقطع صيب
من يبكّي مقلتين الشجاع ابن الشجاع

لو على البحرين شرهه . ودمعات . ونحيب
كان ما خلّتك تقفي عن حدود الرفاع

ولو جنيف أتحس في جرحي المر العطيب
كان ما تاخذك منّي وتعطيني ضياع

برحل

برحـل وبآآتـي أذانـي بقـدر آآتـي
بس أخاف أرحل ولا عاد أقدر.. آآتـي

لان هـذا حظّـي وهـذي صـدوفـه
يكـره أستقـراري ويغلـي شتـاتـي

وعاد عقلي .. كـل ماجيـت آآتشتّـت
يحسب أشتاتـي علـى قـدر أمنياتـي

والبـلا.. أن كـل ماعقلـي .. تمنّـى
ماحصل لا في شتاتـي .. ولا ثباتـي

يمكن أن وضعي وضع سيّىء .. ويمكن
ماتحمّل جسمـي .. كبـار أشهواتـي

والدليل أن ودّي مـا أرحـل وشفنـي
أربط أشلائـي بمحـزم .. ذكرياتـي

ياحبيبـي .. ليتنـي ماكنـت أحـبّـك
لجل أحبّك .دبـل. وأأسـوّي سواتـي

يعني كل شي حطّه فعقلـك .. وحاتـه
الاّ بخصوص أنّي أحبّـك .. لاتحاتـي

لمّني .. وامسح دموعك .. وأبتسملـي
وحبّنـي منّـا ... ورتّـب حاجياتـي

وأعرف أن مـاودّي أتكلّـم ولا أبكـي
بـس دايـم دمعـي يحـرّك سكاتـي

شـي واحـد قبـل لا أرحـل بقولـه
أنت .. أجمل حظ سيّىء في .. حياتي

خزنة ملك


النفس خزنة ملك.. والحزن قاطـع طريـق
والجرح؟ .. يوجر عليه المسلم اليا أحزنـه

وأنا من العام .. وآنا أشعر بيبسان ريـق
يفرج سجينـي مـع عينـي وأرد أسجنـه

من بين طيّات صـدرٍ شـل مـالا يطيـق
لاجاع حزنه؟ .. تعشّا جروحـه المزمنـه

مجسّم أنسان مـن داخـل رمـادة حريـق
وقودها المغريـات .. ونفسـي المؤمنـه

أحياناُ.. أبكي من الخشيـه لحـد الشهيـق
وأحيانـاُ أقبـل علـى الآذان .. ولا أذّنـه

ماعاد.. أنا.. أيّاي.. يلله لاتخلّـي عويـق
عاقتبه عيون روس مدلبحـه .. وألسنـه

كتـل هوامـش بشريّـه .. تنـام وتفيـق
رديان وحتّى الردى .. بالظبـط .. ماتتقنـه

لاكن على كل حال الطلـق يبقـى طليـق
لو عاينتـه العيـون .. وضدّتـه الأزمنـه

عذر السنافي معه والعـذر حبلـه وثيـق
لو حـس رعبوبتـه .. والاّ جفـا موطنـه

رعبوبتي,,, ياوجـودي ياغـلاك العتيـق
عنه مكـانٍ لقيتـك فيـه عامـا .. عنـه

يوم الشجر صاير ..لوجهك مشجّع فريـق
من وين ما أفترّ.. تتغيّـر معـه الأمكنـه

للحين باقي بدربـه مـن رحيقـك رحيـق
وللحين أيتمتم حكينـا العـذب .. ويدندنـه

يوم أنّي أشّر على صدري وعينـك تويـق
وآقول أنتي هنا .. وأتقولي .. أنتـا هنـه

الهاء .. فاآخـر كلماتـك بصـوتٍ رقيـق
تشطب على برمجة سمعي .. وتستوطنـه

منتي بشر جعل من جابك .. ضحيّة زريـق
شارعك يحسبلـك بـالأمتـار .. يامفتنـه

اليا أنتصفتيه؟ يضيق .. وكل ماله يضيـق
كنّك ..كوكايين .. وأرصفته خشم .. مدمنه

رعبوبتي؟ .. ماخبرت أنّه تحـرّك طويـق
شاعرك مجنـون خلقـه والشعـر جنّنـه

قوليلهـم ينتهـون ولا يطـول الزعـيـق
الميسـره ميسـره .. والميمنـه ميمنـه

وقوليلهم للعراقه .. راس صبـيٍ عريـق
ياكـم سـرٍ يعرفـه .. بـس مايعلـنـه

أتنوخذ البحر .. ولا أرسي ..بجال المضيق
والشي بالشي؟ .. لاعيبـه ولا أستحسنـه

الاّ الرفيق اللّـي يستغـل طيـب الرفيـق
هذي اللّي ماهيب مقبولـه ولا .. ممكنـه

ياصاحبي؟ كان لك مال الشقيق الـشقيـق
والحيـن جمّـع بقايـا مامضـى وأدفنـه

وياقلبي اللّـي وساويسـك تنجّـي غريـق
الله لايصـغـر أبليـسـك .. ولا يلعـنـه

ماهو فخر في سنه .. تعرفلك ..أمية صديق
الفخر ؟ تتعرّف بصديـق .. لميـة سنـه

الأنـــيــقه

يـا أنيقـه آسـف بشـده علـى هالحوسـه
غرفتي تشبـه كثيـر أوضاعـي المحيوسـه
مـا توقعتـك أبـد بتجـيـن ! فاجأتيـنـي
ع العمـوم الله يحيّـي الطلّـه المحـروسـه
وقّفـي لحظـات بيـن عيونـي التعبـانـه
لين أرتّـب لـك أريكـة قلبـي المشموسـه
واجلسي بيـن الزرايـر والحشـا الافريقـي
وائذني لي للبكي .. بيذاكر معـاكِ دروسـه
شاعـرك .. فوضـاه علّمتـه يرتّـب حبّـه
أنتي .. ثمّ الحزن .. ثمّ دموعـه المحبوسـه
والدّموع اللي على وصلـي ووصلـك تنـزل
تـرفـع بنزولـهـا أعلامـنـا المنكـوسـه
هذا إنتي؟؟ ماني مصدّق .. ولا ني مكذّب !!
آه مـن بـرد الجفـا ورياحـه المتـروسـه
وايه حنّا نـاس غيـر النـاس يـا حوريّـه
روسنا ما هيـب لضعـاف البشـر مريوسـه
لي افترقنا نبتسـم ! ولـي التقينـا نبكـي !
ويـا فديـت جنوننـا واشياءنـا المعكوسـه
مرحبا .. ترحيبـة البـدو العزيـب الرحّـل
بالمطر لا اروى الهشيم الماحـل المعبوسـه
صح هذا انتي ! وهـذا عطـرك السمياكـي
وهذي بوهة وجهك اللي بالضحـى محموسـه
وهذي ربطة شعرك البيضا .. وذي خصلاته
كنّها فـي زيـت زيتـون الشفـق مغموسـه
ماتغيرتي ..!! .. وهـذا المعطـف العنّابـي
وهذي ساعـة يـدّك المحظوظـه المنحوسـه
لا هـي اللـي طالـت أصابعـك وتشابكهـا
ولا هي اللي قريبـه مـن عاتقـك وتبوسـه
وهذي مشيتك اللي من صغرك مـا غيّرتيهـا
هالبشـر يخجـل يضـر القـاع ولاّ يدوسـه
الجمـادات الـرذاذ .. تهمـس لا مرّيـتـي
مرحبـا يالناعـس المحشومـه الطـاووسـه
قولي والله انك انتي معي ! مانـي مصـدّق !
لا تلوميـن الحـواس الـشـرّد المهـووسـه
كل ما غنـن لـي الغيّـد بصـوت مواصـل
شلّهـا قلبـي وركّبهـا عـلـى منكـوسـه
صـورةٍ فالبـال لـك كـم عـام تتخيلـهـا
أقـرب احيانـاً مـن المحسوسـه الملموسـه
وانتي لو مـا كنتـي فيـدّي ولا كنتـي لـي
لحظتك عن عام .. كـل ليلـه مـع عوسـه
لانّـك الأفخـم إسـم .. والأبسـط انسانيّـه
ولانّك الوجه التقـي .. والطيبـه المغروسـه
ولانّي أحبك محبة عمق .. مـا هـي نـزوه
أسمى من حب الجسد .. واهل الهوى ونجوسه
يا أنيقه .. آسـف بشـدّه علـى هالحوسـه
لهجتي تشبـه كثيـر أوضاعـي المحيوسـه
مـا سألتـك ليـه جيتينـي .. ولا ضيّفتـك
ما ابي أخرّب على جـو الوصـل وطقوسـه
ليه جيتي؟ أسألك .. وانا اعرف وش جابـك
طاب شجر الغاب والحطّـاب قـرّب فوسـه
لا تقولين اني أرخصتك .. وانا ما ارخصتك
ولا تقوليـن اشتـراك المشتـري بفلـوسـه
ولا تقولين ان هالمـره .. هـي آخـر مـره
اتركي لـي حلـم بعـد احلامـي الميئوسـه
انا شاعر .. حلمه اللي سـوّى منّـه شاعـر
الذهب .. والعالـم الجديـد .. دم ضروسـه
يا أنيقه .. لو خذوك وسافـروا بـك عنـي
الارض صدري .. والسفر من قوسه ليا قوسه
ليت صيت الجد مـا ينفـع سخيـف احفـاده
وليتهـا هالحيـن وان لكـل شـارب موسـه
وليت.. نقطه نقطه نقطه نقطه نقطـه نقطـه
ما ابي أغلط في الزمـن والعالـم المنفوسـه
ماعرف شاقول.. ولا اعرف ويـش اسّـوي
الحزن .. طلّت من ابـواب الليالـي روسـه
انسي كل اللي حصـل هاللحظـة وضمّينـي
يا خسارة عمـري اللـي راح ويـا ناموسـه
والله ان امه دعت لـه تحـت بـاب الكعبـه
واحـدٍ حطّـك ف,بيتـه يالغـلا عـروسـه

بكـر...بكـر

تـبـسـمــي يــا أطـهــر مـعـاكـيــشٍ وســـاع
يـامــن عـلـيــك مـشـاهــد الـعـيـبـه..حــكــر
يـابـنــت حـمــاي الــزمــل..ذرب الـطــبــاع
لــلـــي لــيـــا مـــــن زل..عـلــم..مــانــكــر
وطـي رمـوشـك..واعـلـنـي لـي الأنـصـيـاع
فـي وقـت..تـسـلـب الأنـثـي حـقـوق الـذكــر
نـقــل الـحـضـاره..مــن بـقــاع لـيــا بـقــاع
أحــلــى وســامــة ورث..حـولـهـا"جــكــر"
أم الـمــتــهــات الـعـظــيــمــة والــضــيــاع
اسـتـبـسـلـت تـصـطـاد..فـي الـمـاي الـعـكـر
صــاقــت سـديـسـتــنــا وجـتــنــا بـاتــبــاع
بــكــر بــكـــر بـكــر..بــكــر بــكـــر بــكـــر
الـيــن صــرنــا بـــس "فـضــاضــة نـــزاع
نــفــكــر نـعـيــش..ونــمــوت بــــلافــكـــر
وأعـظـم خـبــر مــن بـيـنـنــا دايــم يـشــاع
أبـــو بــكــر..أرث أصــيــل أبــــو بــكـــر"!
يـاهـيـه..مـاتـقــوى الـسـبــاع إلا الـسـبــاع
الـسـبــع لــه مـخـلـب..ولـلـثـعــلــب مــكــر
مـوت الـجـبـان يـشـابـه لـمــوت الـشـجــاع
الــمـــوت واحــد..لــكــن الــفـــارق ذكـــــر
وتـبـقـى الـوجـيـه الـلـي تـحـلـي بـالـقـنــاع
وتـبـقـيــن يــا نــظــرات شـيـهــانــة وكـــر
دام تــنــســيــنــي تــفــاصــيـــل الــــــوداع
ذاكــرتـــي مـحــزن..ونــظــراتــك ســـكـــر
ودايـم الـيـا سـولـفــت خـرتــي بـاسـتـمــاع
ودايــــم لــــي الـمــنــه..ولــلــه الــشــكـــر

جت في وقتها

تنوخذي فـي بحـر فكـري واسبحـي
وباعطيك جوهرتي..وقولي:بقتها!!
تفلسفس يا فيلسوفـه,و أشرحـي
كيف أنتي بقتيها..وكيـف اشتقتهـا
سبحان من نزل علـى محمـد وحـي
وسبحان من مـد الـدروب وسقتهـا
نفـسٍ لـيـا مــن سقتـهـا ماتنتـحـي
حتـى لـو إنـي ف البحـور أغرقـهـا
بس أذكـري يـوم ارتجافـات اللحـي
أصخـيـتـي بيـديـك..وانـا اعتقـتـهـا
أخـــاف لا تقـولـيـن ذا مايسـتـحـي
وأخـاف أطفيهـا وانـا مـا احرقتـهـا
مغمـي علـى قلبي..ولكـنـه صـحـي
وغـربـتـي العـبـره..وأنـا شرقـتـهـا
ياكـثـر بـوحـة واحــد بــك منبـحـي
وأبـشــرك لـلـحـيـن مــــا فـرقـتـهـا
الـزلـة الـلــي خسـرتـنـي مـربـحـي
عز الله انهـا منـك جـت فـي وقتهـا
خلتني أدري ان حبك اسطر تنمحي
كـذبــه كذبتـيـهـا وأنـــا صـدقـتـهـا

ذهاب بلا أياب

برى حالـي لا أنتهـى العصـر وأعلـن الانسحـاب
خـلــت الـشـمـس الـصــداره ومـالــت لـلـغـروب

وأذن المـغـرب وســاد الـفـضـا مـثــل الـضـبـاب
وانتهى...واللـيـل لـبـس الأمـاكـن لـبـس ثـــوب

وردت همـومـي عـلـى قـلـبـي الـصـلـب خـــراب
وردت حـيــام الـضـوامـي عـلــى عـــد جــــذوب

كـلـهــا هــانــت ولاهــنــت يــــا هــــم الـغـيــاب
مــن محـبـة صاحـبـك صــرت يـاهــم امـحـبـوب

إخـذ ليـلـك بـاولـه واكــل واشــرب فــي رحــاب
قـلــب مـــن شـــدة طـهـارتـه تـجـفـاه الــذنــوب
إ
يـــه والـدنـيــا مـسـاكــن ورحــلــه واغــتــراب
والـغــلا فـــي الـوقــت هـــذا مـمـيـز بـالـعـيـوب

أشمـل جسـمـي واعــدي عـلـى روس الهـضـاب
كــل ماضـيـعـت وجـهــي دريـــت إنـــه جـنــوب

ويــش أســـوي فـيــك يـاعــم تـلـعـات الـرقــاب
وأنــت واقــع والتمـعـان فــي عـيـونـك هـــروب

أنت "مجرم حب"...لا...ويش جاب لويش جاب
أنــت عـذب...عـذب رجيـلـي بـشــوك الـــدروب

صـرت أهـاب مـن التزاحـم وأنـا ماكـنـت أهــاب
وأمشي بكيفـك لـو إنـي علـى المشـي امغصـوب

صــرت أجـمـع مــن جـروحـك وكلمـاتـك عـتـاب
وقبـل اقـول اشفـيـك تجرحني؟استغـفـر واتــوب

صرت أحسب الناس ماكنت أحسب لهـا حسـاب
وصـرت اكـذب لاجـل ترضـى وأنـا مانـي كـذوب

شــوف مهـمـا صــار بـــي إنحـنـائـي إنـتـصـاب
إلـعـب بـعـمـري وبـعـثـره بـايــدك يـــا الـلـعـوب

أدري ان الـجــاذبــيــه تــســبـــب الانــســكـــاب
وادري انـي منسـكـب...وادري ان ايـديـك كــوب

سلت ف ارضك وارتوت بي...وفاضتنـي عـذاب
لـيـن حبـتـنـي قـلــوب وتـعــاودت لـــي قـلــوب

ف اعـرف ان زولـي غدير...وحكايـاهـم ســراب
والمـقـاديـر الايـــادي وشــيــن الــحــظ طــــوب

يـعـنــي لــيــا رمــونـــي حـقـيـريــن الـجــنــاب
صـــــار زولـــــي عـــشـــرة ازوال وعــيــونــي

آتـعـدد لاجـــل اداريـــك عـــن طـيــش الـشـبـاب
وآتـوجـد لـيـن يطـغـى عـلـى وجـهــي شـحــوب

مـانـي استـاهـل كـــذا مـنــك يـاوبــل الـسـحـاب
لاتبـلـلـنـي وانــــا ودي انــــك مــــاءٍ شـــــروب

إيتـنـي...وادخـل القـلـبـي ياقلـبـي...بـاب بـــاب
واخطـر عروقـي برجليـك يــا اسـمـر دوب دوب

جـــل مــــن ولــــى عــروقــي بقـنـيـنـة تــــراب
نـوب تضحـك مـن عـذابـي وتبـكـي مـنـه نــوب

لــو لــي دعــوه وحـيـده... ودعـــوه تسـتـجـاب
قـلـت:يـاربــي لــيـــا مـر...خـالـفــه الــهــبــوب

زوى قلبـي كـل مــا أزويــت خـصـرك بانسـيـاب
زقــف العـالـم يــرد الـبـحـر مـــن كـــل صـــوب

يـاخـلاصــة شــهــد وعــــذوق مــالــذ وطــــاب
يامغـلـبـنـي وانــــا مـابـعــد صــــرت امـغـلــوب

يامـسـفـرنـي لـوجـهــك ذهــــاب بـــــلا ايـــــاب
يــامــعــزز بــالــغــلا يــامــقــدر يـامــحــســوب

إيـتـنـي واذهـــب بـــي بعيـد...يـامـال الــذهــاب
ضمـنـي بايـديـك أبجـمـد عـلـى صـــدرك واروب

انــت لـــو ضـمـيـت تـمـثـال مـــن ضـمـتـك ذاب
كيـف لـو ضميـت صـدر عـلـى ذكــرك يــذوب

حزن النبلاء

الجرح ماهـو خاطـر شـوي ويـروق
الجـرح حتـى لـو تشـافـى يعلّـلـك
واذاك متحمـس متـاهـات وطــروق
أنـا تعبـت أشـد حيـلـي وأحـاولـك
سماي ماشي شمـس ورعـود وبـروق
والريـح ماهبّـت ولا يجـري الفـلـك
والقلب ناشف بحر .. وشقوقـه شقـوق
وشلـون بيـكـوّد سـحـاب ويبلّـلـك
ياظامي أنا أظمـا .. ومتشبـع حـروق
واذاك ظامـي للمواصـل أنــا هـلـك
هلك .. ووقف في وجهي الأصل والذوق
والمجتمـع والعـرف والفقـر وأهـلـك
متعومس .. وحـزن النبـلاء مرمـوق
يعني لـو أحتـاج لـك ماجيـت أسألـك
اللي علي أشكـي .. وأعاتبـك برفـوق
وأقـولـك ودي مـاعــاد أتـأمـلـك
مـن دورة الأيـام يـاخـوك مخـنـوق
الوقـت مشانـي مـن السلـك للسلـك
أزل خطـوه بـس مـا أزل منـطـوق
ولو صارت أبا أحب خشمـك وأجاملـك
يبقـى البنـي آدم مـجـرد ومخـلـوق
ملك .. ولكن فـي الحقيقـه بـلا ملـك
والناس عوق الناس .. والدرب مسبوق
تتعب على أشيا ف الآخر ماهـي بألـك
كـذاب قايـل : كـل مطـرود ملحـوق
سنين وأنا أطردك وأزريـت لا أوصلـك
كنّـك تطيـش وكنـي أدور فـي طـوق
كل ماوصلت آخـرك يطلـع لـي أولـك
ياليت ما في خاطـري شـوق وفـروق
ما كان حسيت ان أنا بـس منـك الـك
الشوق ماهو رعشـه وقبضـة عـروق
وماهو اللي من شينك ف عينك يجمّلـك
وماهو شعـور يخالـج الـروح برفـوق
ولا هو سحر ولا أدري والله شاقول الك
كنّه سحابـة حلـم وتطيـر بـك فـوق
وتطـيـر .. ولا ودّك انـهـا تنـزلـك
الشوق هذا .. والا أنـا شوقـي البـوق
ماقد حصل في شـوق هـذي ولا تلـك
تدري وش أسوّي الى أضناني الشـوق
أسـوي بعيـونـي كــذا وأتخيّـلـك
وأقربّك واتـوق .. واتـوق ..واتـوق
وأكثّـرك وأحلـف مـا عــاد أقلّـلـك
وأصوّرك في الموق .. وتكبر على الموق
وتطيح مع دمعي علـى ايـدي وأقبّلـك
هذا غـلاي اللـي مـع الـدم مدقـوق
ولا عاد تسأل عـن شعـوري بزعّلـك
محبـة ماهيـب مـن طـارف السـوق
لو انـك توكـل .. كـان والله لا آكلـك
جيتك حقوق ورحـت ماعنـدي حقـوق
وان قلت مـا أحبـك أبجحـد مواصلـك
أحبـك ؟ ألا يابـري حالـي وعــوق
من كثـر ماحبـك أخـاف انـي أقتلـك

القلوب البيض

متعـب الحنجيـن لامنـه ضــوى
زرفل برجلي علـى شيـن الـدروب
ولا خـذ الا أنـا مـن الهـم اعـوا
تضرب أنفاسي بسمعي هوب هـوب
هوب كانـت قبـل لا أعانـي هـوا
بس صارت بعد مـا أعانـي هبـوب
كـل عـرق بخافقـي المرهـق ذوا
كن خفاقي علـى جسمـي مغصـوب
دامنـي الصـادق وأنـا مالـي لـوا
ابـك ياصـادق وعيّـد يـا كـذوب
حتى في حكيـي مـع نفسـي اغـوا
صار بيني وبيـن ماعنـدي أسلـوب
الا في الشعر أبقى شيـخ المستـوى
أحترق لأجله وانـا ادري انـي اذوب
ما هو شعر اللـي الـى قـلّ ارهـوا
اما شربوا خمـر ولا أكلـوا حبـوب
عزّتي لي واشهـد أن حالـي طـوى
طوي زلّ المصمكـي قبـل الغـروب
مـا هـي بلحيـة ولـع ولا جــوا
أعـوذ بالله العـرب شبـوا شبـوب
كـل مـا تعـطـي مجرّحـهـم دوا
كنّك تعطيهـم مـن ذنوبـك ذنـوب
القلـوب البيـض ملعـونـة ثــوا
لا تـشـل ولا تــزل ولا تـتـوب
ويش أقول وويش أعيـد ووا .. ووا
أخذها من كـف صاحـب ومحسـوب
بيّـض الله وجيـه سمحيـن النـوا
ولعـن الله أبـو سـودان القـلـوب

اخذيـني

أخذيني إليـا عجبتـك بـس ردينيـي
وأن ماعجبتك خلاص أخذيني مابينـي


مادامني شفت فيـك الطهـر والعفـة
باعيف نفسـي ليـا منـك كرهتينـي


أخذيني لو أعتبر من ضمـن أشيائـك
وأنــا بحـبـك ولا لازم تحبيـنـي


لا بـي علاقـة ولا نظـرة وبسـمـة
أحساسي أني بقربـك بـس يكفينـي


ولو أني انضفت لشيائك غصب عنـك
طلـي علـي ياغناتـي لا تخليـنـي


تراي لاجـا المصامـد مانـي بهيـن
تقـول كـن العـرب لعبـة بيديـنـي


شخصيتـي مـن غرابتهـا وطيبتهـا
كن الزمن فـي تحـدي بينـه وبينـي


أخذيني الشاعر اللـي ماصـدق حظـه
لا قلت ياحظ وينـك ؟ قـال : ياوينـي


أخذيني المبـدع المتفلسـف التحفـه
مؤمن وتضحك على العالـم شياطينـي


شهرة شكسبيـر وأفلاطـون ونيوتـن
لا قلتلي بيت شعر .. تطيح من عينـي


أخذيني العنصر الي صـدق متعنصـر
من دون ربعي لـو أقطـع شرايينـي


أخذيني اللي ليـا منـه طلـب يعطـا
وتكفيـن لا مـن طلبتـك لا تردينـي


تكفيـن ياغايتـي يابهـجـة الدنـيـا
أبحـرق قلـوب نــاس ماتدانيـنـي


أخذيني بكـل شـوق وقولـي أحبـه
وأن شككوا فيك .. و إلا في .. ضميني


قولـي سعـد والله أنـه غالـي جـدا
وياجعل فدوة شبابـي واخـر سنينـي


وأنـا بصـدق كلامـك وأعتنـز بالله
وباقـول للنـاس مايعنيـك يعنيـنـي


وأنا علي نـذر مـا أرخـص جيتـك
وأنتي نذر على أرقبتك أنك ماتخلينـي