ديوان خالد المريخي

يا للي اتطالع

يا للي تطالع وكنك ما تطالعني ii"
" نظرتك هذي حبيبي لا iiتكررها
صحيح شاطر ولكن صعب تخدعني "
" أنا على الطاير افهمها iiواطيرها
أنا مزاجي واطيع اللي يطاوعني ii"
" ان كان لي خلق أمررها iiأمررها
اسمع كلامي إذا ودك تولعني ii"
" سعادتي خلها همك iiودورها
ابنصحك قوم خل عنادك وطعني ii"
" وتعال نطوي الليالي iiونتذكرها
وسمعني اللي كتبته فيك سمعني ii"
" والكلمة اللي تشكل معك iiغيرها
بلسانك الشعر لو تكسر يمتعني ii"
" كسر يا بخت البيوت اللي iiتكسرها

ما بيّن بعينك


ما بيّن بعينك على كثر ما جاك ii"
" لا واحسافة ليتني ما iiعطيتك
تخطي وأعذرك وأتحمل خطاياك ii"
" هويت غلطاتك كثر ما iiهويتك
ضحيت بالدنيا علشان دنياك ii"
" خليت كل اللي يبيني iiوجيتك
كنت بعيوني وين ما أطالع ألقاك "
" حتى لو غمضت عيني iiلقيتك
من كثر ما أحبك وأقدرك واهواك ii"
"ما أذكر اني في حياتي iiعصيتك
ولا فاد كل اللي أسويه وياك ii"
" أتعبت قلبي ليتك تحس iiليتك
والحين روح أرجوك ساعدني أنساك "
" لا تجي حتى لو اني iiبغيتك
وان مر في بالي بقايا لذكراك ii"
" بحاول أنساها مثل ما iiنسيتك

صادفنّي ثلات


صادفنّي ثلات إحترت ويّاهن ii"
" أبهرني صحيح وقمت iiأطالعهن
طولهن واحد ،،ولبستهن ،،وممشاهن "
" والله أعلم بعد يمكن iiطبايعهن
زاهياتٍ براقعهن ،، وتزهاهن ii"
" لعنبو جدهن ما أحلى iiبراقعهن
لا رضى ابوهن عن الناس خبّاهن ii"
" ولا بغى يدمّر العالم iiيطلّعهن
قمت أعدّد على نفسي مزاياهن ii"
" وقمت أردد على نفسي وأنا iiأتبعهن
هذي أحلاهن،،لالا،،هذي أحلاهن ii"
" لالا،،لاذيك لا،،لاماهي iiبمعهن
وإستدارن ،، بجنبي شخص ناداهن ii"
" قلت ذي فرصتي بأقصد iiوأسمّعهن
للقصايد مع إني حافظ أرداهن ii"
" إرتبكت وعجزت أتذكر iiأروعهن
والسوالف بعد خلني أنساهن ii"
" ضيعنّي صحيح الله iiيضيعهن
والدليل إني تخربطت ويّاهن ii"
" أبسلم عليهن ،،قمت iiأودّعهذن

هذا بلا أبوك ياعقاب


يا ناس خلّوني معه وإتركوني ii"
" محدٍ معوّضني غيابه إلا iiغاب
أغليه بس شلون لا تسألوني ii"
" الحب من ربي يجي ماله iiأسباب
شوفوه بعيوني قبل تعذلوني ii"
" شوفوا حبيبي ماهو بمثل الاحباب
ترضون ولا كيفكم تزعلوني ii"
" أنا حبيبي سيد تلعات iiالارقاب
مافيه مثله بالبشر صدقوني ii"
" مزيون متواضع وطيب iiوجذّاب
يقول بس الزين فيني عيوني ii"
" وأقول أنا ذا بلا بوك iiياعقاب

فمان الله

فمان الله يا أغلى ماسكن قلبي فمان iiالله"
" فمان الله من شخص أظنك صعب iiتنسينه
فمان الله يا أول حب عاشه خالد iiبدنياه"
" عرفك زين وأنت يابعد عمره iiتعرفينه
أجل يومه طفل من غيرك اللي ضمه iiورباه"
" أجل من تعّبك ليما كبر وأنت iiتربينه
أجل من قال : خل نفسك عزيزه والهوان أجفاه"
" توصينه على العز وعلى الفزعه iiتوصينه
أجل من دلّله واغلى غروره حيل يوم iiأغلاه"
" تهنينه إلى من صاب واليا اخطا iiتعذرينه
أجل ياكويت من غيرك خذا بيده ومن iiخلاه"
" يكافح لين يلمس أبعد النجمات iiبيدينه
أجل من شجعه يومه قصد غيرك وقال iiالله"
" حفظتي كل شعره من كثر مانت iiتحبينه
يا أم الخير مامثلك مثيل ولا أظن iiاشباه"
" عزيزه دار عز ومن نوى عزك iiتعزينه
فقير الجاه لامن صار وسطك صار عنده iiجاه"
" وفقير المال لامن قاربك والله ال iiتغنينه
انا ياكويت من حشمه ترابك ما احب iiآطاه"
" أحسه طاهر والطاهر إلى من دسته iiتهينه
أنا توي دريت إن المفارق كايده iiبلواه"
" وعرفت ان المفارق ينعذر لادمّعت iiعينه

هاك كل القصايد


هاك كل القصايد .. هاك وأقريهن "
" لاتقولين وش آخرهن وش iiأوّلهن


كلّهن فدوةٍ لك هاك قولي ii"
" في لسانك ترى iiلسانك..يجملّهن


غيبتك أثّرت في حال راعيهن ii"
" قطعة أيام عيّا iiلايتحملّهن


بس يمكن ثلاث أيام غبتيهن ii"
" لعنبو..هالثلاث iiأيام..ماأطولهن


طالعي في فعايلهن وشوفيهن ii"
" تحت عيني تبيّن لك iiفعايلهن


ماارحمنّي بعد ماطحت في يديهن ii"
" بهدلّني جعل ربي iiيبهدلهن


ماهقيت أني اسلم من بلاويهن "
" كان سيئ معي جداً iiتعاملهن


وتهت حتى القصايد قمت اعنّيهن ii"
" يكملن..وانسى واعوّد iiواكملّهن


والمعاني غريبة قمت أنقّيهن ii"
" عقب ماكنت من قبل iiآتحايلهن


وقلت مادامهن جنّي برجليهن ii"
" باتشرّط عليهن وآخذ iiأجملهن


إتركي هالثلاث أرجوك خلّيهن ii"
" سولفي بأي iiحاة..بنتجاهلهن


إنسي أيامهن وإنسي لياليهن ii"
" همّليهن وأنا مثلك iiباهمّلهن


لاتجيبين سيرتهن وطاريهن ii"
" أنزعج حيل..لاقمت iiاتخيّلهن

لو وقفوا هالغرب في صف شارون

أبدي بذكر المرتجى خالق الكون
الواحد اللي دوم لرضاه راجين

اللي حكم بالكون بالكاف والنون
سبحانه اللي نزّل آيات ياسين

ومن بعد ذكر الله أبا اقول وش لون
تبدّلت فينا من الزين للشين..!؟

تاريخنا بالمجد له ساس وقانون
والوقت بدّل ما لنا من قوانين

اللي أشوفه يا عرب بالتلفزون
غير الذي حاصل من أعوام وسنين

أشوف شيٍ مثل ما انتم تشوفون
وش حاصلٍ بالقدس وباقي فلسطين

ذيك الديار اللي بها المجد مكنون
مسرى نبي الله ومهد النبيّين

أشوف فيها العدل ماهوب مصيون
وأشوف فيها ذل ناسٍ عزيزين

وأشوف فيها الظلم والذل والهون
ولا تقبل الذلّة نفوس الكريمين

ناسٍ بلا مسكن وناسٍ يموتون
وناسٍ على وضح النقا مستذلَين

اللي بقا منهم بهالأرض يفنون
وأكثرهم اللي عن وطنهم بعيدين

تبغى السلام اللي على الحفظ والصون
والسلم ماهو في يدين المجرْمين

اللي طغو فالأرض والناس يدرون
ما مثلهم بالكون كود الشياطين

أنجاس للإسلام دايم يكيدون
يا الله تحبط كيدهم هالملاعين

ذولا خنازيرٍ على الأرض يمشون
حرام إن ذولا امخلوقين من طين

لو وقفو هالغرب في صف شارون
حنا بصف اللي يهز الميادين

ربٍ كريمٍ عز موسى وهارون
وأنجى نبيّه من كيود المشرْكين

يا الله يا اللي لك عبادك يصلون
يا الباقي وكل المخاليق فانين

تنصر عبادٍ لك على قوم صهيون
وتجلب لهم يومٍ مثل يوم حطّين

تمّت بحمد المرتجى خالق الكون
والحمد للخالق على نعمة الدين

لي كرامة



يا الله إني طالبك منها السلامة
الحياة اللي مناكرها تهيا

الفتن في هالحياة أكبر علامة
من بغا فيها الفتن قيل لْه : هيا

ضيّعوا فيها دروب الإستقامة
والمراجل منهم تْشوف الجفيا

ناسٍ تْحدّك على دْروب الندامة
وإعتزال الشر ما يصعب عليا

إعتزلت اللي غضب ربه مرامه
وْكل منهو يبغض رْجال الحميا

وْكل منهو قاضبٍ درب الغشامة
وْمن يدوّر في ذرا الدينار فيا

ما عليّ خْلاف فالليل وظلامه
المراجل كلبوها في يديا

لي كرامة ما تضاهيها كرامة
كود للي مْقاصرٍ نجم الثريا

سواها قلبي


سواها قلبي .. يا حبيبي وحبك ..
ما طاعني وانا عن الحب ناهيه ..
الظاهر انه .. ما يبي غير قربك ..
عاف الجميع واول الناس راعيه ..
عليه ما اوصيك لاصار جنبك ..
صبح عليه بحب .. وبحب مسيه ..
نبضه وفا .. وبتضحياته يعجبك ..
صافي ولكن ما لقى من يصافيه ..

خلا دروب الكل واختار دربك ..
داريه تكفه قد ما فيك داريه ..
وابشر بقلب ما يبي غير قربك ..
يموت وغير محبتك ما سكن فيه ..

جيت أشتكي لك من عنا الوقت ابرتاح

جيت أشتكي لك من عنا الوقت ابرتاح ... لقيت نفسي أشتكي من همومك

يا عونة الله ما بقى شي ما راح ... مدري ألوم الوقت والا ألومك

جيتك وقلت بعالي الصوت : يا صاح ... بالله ساعدني ترى اليوم يومك

لا النفس مرتاحه ولا القلب مرتاح ... وحسيت نفسي واحد من خصومك

اثريك صاحب بس في وقت الافراح ... وبكل سهوله ترخص اللي يسومك

الله يعين القلب وشلون يرتاح ... زود على همومه تحمل همومك