بسم الله نبدأ


::



ساندويشآت فاهيتا الدجاج

ألذ خلطه ساندويشات ذقتها للحين .. بالنسبه لي احس طعمها يشبه لفينو اللي بكودو
وبجد فرحت عشان ماعاد اطلبها من كودو

المقادير والطريقه مع بعض

أول أول شي نسوي خلطه الصوص
وهذي مقاديرها



2 ملعقه كبيره زبادي
2 ملعقه كبيره جبن سايل
ملعقه كبيره خردل>مآكآن عندي خردل ولا لقيت فحطيت طحينه+ رشة ملح
ملعقه كبيره مايونيز
3 ملاعق كبيره صويا

نخلط هالمقادير كلها مع بعض ونخلي الصوص على جنب




بعدين نقطع صدور دجاج مكعبات صغيره
+ بصل شرايح + فلفل أخضر بارد مكعبات صغيره



ونجهز التوابل اللي هي ( ملح + فلفل اسود + بهارات ايطاليه >> مااستخدمتها
+ بابريكا + ملعقه صغيره بهارات مشكله )

كنت مستعجله فحطيت شآورمآ الوطنيه الجآهز +وحطيت عليه الصوص
مآسويت تتبيلة سوكره هانم وهذي صورة الشاورمآ لذييييييييييذه





::

تآبع تتبيلة سووووكره هآنم




الحين نشوح البصل لحد مايذبل



بعدين نضيف الدجاج والفلفل البآرد ونقلب لحد مايستوي الدجاج
ثمن نحط التوآبل ونقلب



والحين بعد مااستوى الدجاج نحط الصوص عليه
ونخليه عالنار شوي لين يثقل الصوص



بعدين نطفي النار ونحط الخس



وبس ^_^

وطبعا لكم الحريه في انكم تاكلونها مع صامولي او خبز صاج او تورتيلا أو خبز مفرود
برآحتكم أنا مجربته مع كل انواع الخبز وجمييله هالأكله

وهذا الشكل النهائي



وهنا مع خبز الصاج

وهذي طريقته للي تبي تسويه

المقادير~
نص كوب ماء دافي
نص ملعقه صغيره خميره فوريه
ملعقه كبيره زيت زيتون
كوب وثلث دقيق ابيض
ثلاث ارباع ملعقه صغيره ملح
ملعقه كبيره حليب بودره
زيت زيتون لدهن العجينه

أول شي >> نحط المويه + الخميره >> ونحركها لين تذوب الخميره في المويه ونتركها تتخمر 10 دقايق
نعجن الزيت والدقيق والملح لين نحصل على عجينه لينه ومتلاصقه
نحط العجينه بإناء مدهون بزيت ونتركها نص ساعه

بعد نص ساعه نقسمها لكور >> بعدين نفرد كل كوره وندهنها بالزيت من الجهتين ونحطها مباشره عالصاج لين مايستوي الخبز


وبالعآفيه


وهذا تطبيقي لاتنسون اعجبني وحبة انقله لكم