-بمنزل ابو عمر
عمر:يمه ابي خمسين ريال بروح اشري لي شماغ
ام عمر:ذووووق ميه ريال رح اشر اللي تبي بس تعال انت امس وش عندك بالسطح بالليل
عمر:هاه ولاشي قاعد بس ليش؟
ام عمر:يمه لا تكثر تقعد بالسطح اخاف عليك من هالبرد
عمر:لا ماعليك يمه انا بس احيانا اذا مالي خلق اروح السطح
..............
- بمنزل ابو سحر
ام سحر:سحر جيبي الشاهي وتعالي جلسي بالصاله عندي انا وابوتس
سحر:ان شاء الله يمه ان شاء الله دقايق بس
جابت الشاهي وبسكوت ابو ولد والا اقولكم بسكوت مالح ابو ولد قديم خخخخخ
ابو سحر:وش فيك يا بنيتي مو ع بعضك هالايام
ام سحر:حابسه روحك بالغرفه ولا حس ولا خبر وين من اول ابتسامتك تشق اذانك شق
احد مضايقك وانا امك
سحر:لا ابد الله يخليكم بس تعرفون الدراسه
وراحت سحر لم غرفتها وقاعد تعظ اصابعها ندم ليش ماتكلمت وقالت عن اللي مضايقها
وقررت تقول حق امها بس بعدين الين ما يتازم الوضع
...........
-الساعه 10:30 مساءا
عمر كالعاده اخذ جواله ودفتر ورقى السطح وقاعد يحتري سحر متى تخش الغرفه
عرفتوا الحين ليش كان مهتم يرقى بالسطح عشان يويز بنت جيرانهم لا ماله خلق ولا شي
والا احد يرقى السطح بهالبراد
سحر تتاخر وماودها تدخل الغرفه هي عارفه انه يناظرها ويقعد يحلت اوراق ويغازل
بس سحر تعرف ان ام عمر صديقه امها وماتبي مشاكل وعمر الى الحين ما زودها ولا غلط بقووه
وقالت تتصبر عليه
دخلت الغرفه وفتحت الدريشه
الا عمر كتب بورقه ليه تخافين مني انا ولد جيرانكم واحب اتعرف عليكي يا سحر
وهذا رقم جوالي 056 والباقي ماتغير ههههاي لا بجد كتب رقم جواله بس اخاف اكتب رقم جوالي انا
وحلت الورقه الين الدريشه
فتحت سحر الورقه وقرت المكتوب وراحت لم الدريشه وشققت الورقه وجدعتها
عمر قال هذي عنيده ومامنها فايده
خلن اسحب عليها بس
............
-اليوم الثاني بنفس الموعد 10:30 مساءا
سحر تخش الغرفه وتفتح الدريشه وتقعد تحتريه بشغف
الساعه 11 مابين 11:30 مابين سحر وجهها تغير وقالت وينه هذا الى الحين ماجاء؟
وسكرت الدريشه بضيقه خلق وقالت شكلي زعلته يوم قطعت الورقه
يالله فكه هذا كان بيجيب لي العيد بس وربي شكله كان يحبني ووناسه بعد كل يوم يحلتلي اوراق
بهالبرد ذه والساعه10:30 بعد وقت رومنسي اخخخخ منك بس خليت هالوقت رومنسي بعد
ممكن يكون تعبان بكره ان شاء الله يجي يارب يجي
جد تعودت عليه وانا كنت خبله بعلم اهلي ان به واحد يحبني هههههههه
صدق انا خبله
.............
-اليوم الثالث 10:30
سحر تروح لم غرفتها وتفتح الدريشه وتقول بنفسها يالله عاد يا عمر اليوم تعال وربي مشتاقه لك تعال
تك تك تك تت سحر ان امك
سحر:تفضلي
ام سحر : اح مجنونه انتي فاتحه الدريشه بهالبرد
سحر:هاه لا بس كنت اشم ريحه المطر ذه
ام سحر: يالله تصبحين ع خير
سحر: وانتي من هله
سحر: يوووه الساعه 11 وينك ياعمر وربي ما اقدر تعودت عليك خلاص شكله زعل مني
الا اللمبه تنفتح حق غرفه عمر وسحر تناظر وتقول بغرفته يا بعدي والله شكله الحين بيرقى اذا درى اني
لسا صاحيه
-بيت عمر
عمر:وش عندها هذي فاتحه هالدريشه بهالبرد البنت هذي قصتها قصه وان تميلحت عندها
تحرجني وتقطع اوراقي وترفضني وتصك الدريشه
ماودي اضايقها خلها شكلها حزينه والا ابوها طاقها
خلني اشوف فلم ابركلي من البنات
-بيت سحر
سحر بتموت قهر وتقول شكله زعل مني انا غبيه غبيه زعلته وهو حساس
.............
واستمروا على هالحاله والاثنين مايعرفون وش يخبي الثاني من اسرار
الين ما ام سحر راحت تزور بيت ام عمر خويتها وراحت هي وبنتها سحر
وقعدوا سواليف الين شبعوا وقامت ام عمر تتجيب لهم الشاي والقهوه
ونست ام عمر جوالها فوق الكنب
الا سحر لطشته وقاعد تقلب هاالاسماء الين ما طاحت برقم ولدها عمر وقالت عسى يكون هو
وحفظته وخزنته بجوالها وتركت جوال ام عمر بمكانه
-رجعوا من بيت جيرانهم وسحر مستعجله
دشت غرفتها بسرعه ومتلهفه
اخذت الجوال حقها وارسلت رساله تتاكد انه هو انت عمر ولد جيراننا
وجتها الرساله : يس انا هو من انت؟وكيف عرفتني ؟
وارسلت رساله : ليه ماعاد تطلع السطح
عمر ارسل لها رساله : من انت ؟
سحر ترسل مسج:اممممممممم مو شرط تعرفني اعرف المكان اللي كنت تقعد به الساعه10:30
بالسطح وتحلت لي اوراق
عمريرسل رساله : انتي سحر مش معقول انا اسف اني زعلتك وضايقتك هالايام اللي مضن
سحر ترسل :اممممممممممم بالبدايه كنت خايفه منك وقررت اعلم اهلي لكن مدري ليه سكت
عمر يرسل لها :ما فهمت
سحرترسل له:يعني صرت متعوده انك تجي كل يوم بالسطح الساعه 10:30 ويوم اختفيت بديت احس بشي ناقص في حياتي
عمر يرسل لها: انتي السبب قطعتي ورقتي
سحر ترسل : كنت خايفه
-واستمروا على كذه وتطوروا الى انهم صاروا يتكلمون بالجوال مو رسايل بس
وصاروا يحبون بعض وكانت اذا جت الساعه 10:30 بالليل فتحت الدريشه وهو رقى بالسطح عشان
يتذكرون هالايام الجميله اللي قبل وصاروا يموتون ببعض وصار لهم يعرفون بعض من يوم عمرهم 15
يعني ميانه بينهم بقوووه
.......................
-بيت ابو عمر
ام عمر :عمر صار عمرك 24 وودي افرح بك
عمر: توني يا يمه
ام عمر: بنت خالك موجوده وانا عطيتهم خبر
عمر:لا يمه اولاه اشوله كذا
ام عمر: انا وابوك قررنا من زمان وخوالك بعد يعرفون انت لها وهي لك مالكم غير بعض
وبعدين بنت خالك قمرررررر 14 احمد ربك اذا قالت لا فمعها حق اما انت مالك حق ابد
عمر: بس يمه
ام عمر: لا بس ولا شي يا يمه خلاص ودنا نفرح فيك
عمر راح مصدوم غرفته و ودق على سحر وقال لها السالفه
سحر: ايش
عمر: اللي سمعتيه
سحر : عمر انت وش رايك انا مايهمني امك ولا خالك ولا بنت خالك
عمر:مدري
سحر: كيف مدري
عمر:تراهم مستعجلين هم تبيني اكلم امي اني احبك وابي اتزوجك انتي ومابي بنت خالي
سحر:هههه الله يخليك بجد تتكلم
عمر: لا نصبر شوي يا عسل ماعاد ابي غيرك
سحر:الله يخليك ياحياتي اللي تشوفه
...................
عمر قرر يكلم امه وهنا المشكله
عمر:يمه بصراحه انا احب بنت جيراننا سحر من زمان وماابيها الا هي وابيك تخطبينها لي
ام عمر: وشوووووووووووووووووووووووووووووووووووووووووووووووو وووووووووووووووووو
عمى عينك تتزوج هالفقارا وتترك بنت خالك لا انهبلت انت
مانب موافقه ابد ابد
عمر: يمه انا اللي بتزوج انا احب سحر
ام عمر: لا لا لا لا بنت خالك والا لا انا عطيتهم كلمه
ام عمر: من متى تحبون بعض وش عرفك بها انت اصلن
عمر: يووووه اعرفها من زمان سنوات يا يمه انا معجب بها انا ابي سحر بس ماابي بنت خالي تفهمين
ام عمر: اللي عندي قلتلك سحر لا
................
ومرت الايام
وعمريصرف سحر بالجوال ويقولها بشوف حل بشوف حل الين ما انقصم ظهر البعير والملكه كانت ببيت عمر
وسحر تناظر من الدريشه وهي تصيح وتعرف ان عمر مغصوب عنه لكن وش تسوي وش هو يسوي
ومرت الايام وتصار عرس عمر من بنت خاله وجاء كرت الدعوه الين بيت سحر اللي كانت تقراه وتصيح وكانت تتمنى انها مكان بنت خاله
لكن هذي الدنيا وكل واحد ياخذ نصيبه
عسى ماطولت عليكم وشكرا
التسجيل مجاني
قصه رومنسيه جدااااااااااااااااااااااااااااااااااااااااااااااا
العرض العادي
