أحذروا كل الحذر من سيارات ودبابات توصيل الطلبات للمنازل

ولد الرس · 07-28-2008, 10:58 PM

تراهم باب شر حقين توصيل الطلبات للمنازل من اصحاب المطاعم واصحاب البقالات إلى من رحم الله أحياناَ تفتح الباب الخادمة وتكون بداية علاقة مع الخادمة علاقة لاتحمد عقباها وإلا أحد الأولاد المراهقين من بنات أو أولاد والغالبية العضمى من أولئك الذين يقومون بالتوصيل أغراضهم خبيثة ودنيئه وعاده أنتشرت بيننا .
إن أضطريت أخي الكريم على ذلك نصيحة لوجه الله لايفتح الباب لعامل التوصيل إلا أنت وأخذ الأغراض منه ومحاسبته مر ومرتين وثلاث مرات تفتحله يعملك الف حساب .
لكن بعض الناس هداهم الله يتركون الحبل عل الغارب ويتساهلون في هذا الموضوع وهو في غاية الخطورة ..

أحذروا أحذروا أحذروا أحذروا
منقول للفائده

وردة بريدة · 07-29-2008, 12:36 AM

جزاك الله خير اخوي والله يبعد عنا اللي في نفسه شر وفيه شر يارب

كثير تساهل فيها خصوصا اذا لم يوجد الرقيب فا اكثر من يطلب هن من الشابات
واكثر من يستقبل الطلبيه الخادمات

وهذه كمن يضع البنزين قرب النار ثم يندم على ذلك

مشكور اخوي وجزاك الله خير والله يحمينا من الشر يارب

بنت الرس · 07-29-2008, 12:52 AM

تسلمون لنا !
اذا قلنا لكم ودونا اشترولنا قلتو لا!!
اطلبو ودوكم الفلوس<<<احسن اذا انحرفنا فنووووه منكم!!!
كني اشوف ولد الرس يركض لم اخته ويقوله وشتبون من البقاله<<<خخخخخخخ
هههههههههه تسلم ولد الرس ع النصيحه بس خلو العجز عنكم خاصه اعيال الرس!!!

ولد الرس · 07-29-2008, 02:10 AM

اقتباس:

المشاركة الأصلية كتبت بواسطة وردة بريدة

جزاك الله خير اخوي والله يبعد عنا اللي في نفسه شر وفيه شر يارب

كثير تساهل فيها خصوصا اذا لم يوجد الرقيب فا اكثر من يطلب هن من الشابات
واكثر من يستقبل الطلبيه الخادمات

وهذه كمن يضع البنزين قرب النار ثم يندم على ذلك

مشكور اخوي وجزاك الله خير والله يحمينا من الشر يارب

مشكوره اختي ورده وجزاك الله خير ع المرور والله يحمينا من الشر يارب

اقتباس:

المشاركة الأصلية كتبت بواسطة بنت الرس

تسلمون لنا !
اذا قلنا لكم ودونا اشترولنا قلتو ((لا))!!

الله يلوم الي يلومنا
لأنكم يالبنات دوخت راس باليوم 20 الف مره يروح الوحد للبقاله
ماتخلص أغراضكم جيب طماط تروح وتجيب طماط روح جيب للبن تروح وتجيب للبن
اووووه نسينا نقولك ماعندنا زيت روح جيب زيت تروح وتجيب زيت وعلي هالحاله يومياً
وياليت تتصلون وحنا بالبقاله تقولون جيب معاك كذا لا اذا جي الواحد للبيت تطري عليكم الأغراض
اهـ يالقهر بس
وسبحان الله طلباتكم ماتجي اللي الظهر بعز الحررررررررررررر هههههههههههههههههههههه
<< شكله ع يوم يبي تهاوش هو وخواااته الله يستر بس ههههههههههههههههه

اقتباس:

المشاركة الأصلية كتبت بواسطة بنت الرس

اطلبو ودوكم الفلوس<<<احسن اذا انحرفنا فنووووه منكم!!!

الله يستر خلاص ان شاء الله نرورح البقاله ولاتزعجونا << الله يعيني ع دوخت الراس هههههههههه

اقتباس:

المشاركة الأصلية كتبت بواسطة بنت الرس

كني اشوف ولد الرس يركض لم اخته ويقوله وشتبون من البقاله<<<خخخخخخخ

ههههههههههههههه لاتلومني اخاف ع خوااتي

اقتباس:

المشاركة الأصلية كتبت بواسطة بنت الرس

هههههههههه تسلم ولد الرس ع النصيحه بس خلو العجز عنكم خاصه اعيال الرس!!!

بهذي صدقتي بس ان شاء الله من اليوم ورايح ننفذ جميع طلباتكم
<< نصااب ههههههههههههههههههه

تسلمين اختي بنت الرس ع المرور وعلي العموم الحذر من توصيل الطلبات

&كبـ متمردهـ ـرياء& · 07-29-2008, 02:21 AM

صادق اخوي امس حصلي نفس الموقف مع توصيل المطعم ..

من يوم اطلب منه وهو يتميلح طبعا هو مصري موب سعودي ولاهندي مع ان الشر موجود بالكل لا اغواة الشيطان

المهم ساعه اوصف له المشكله اننا بجنبه على نفس الشارع موب بعيدين ..

واذكر كان عندنا اشتراك مادري وين طار سبحان الله ..؟

المهم يوم قفلت معي قال اه انتو بنفس الشارع <<< صح النوم !!

دنا حجيب الطلب بنفسي..

قلت مر والله ما أخذ الطلب لو يموت اخلي خالتي ولا امي ياخذنه ..

المهم تخيل يعطي امي الباقي ريال ريال شوي ولا اعجنه ...

قسم ودي اكفخه همن قعد ساعه على بال ما جاب الاغراض يبي يشوف زول مره بس الكلب

مير حسد له امي لابسة جلال ماتشوف شي منه يوم ايس صبخت اختي الصغير ه بوجهه الباب ..

مادري الي يطلبون منه بنات ويتملحن معه ومعطياته وجه يوم شاف الصوت صوت بنت يحسبه هي الي تحاسب ..

دايم اطلب بس اخوتي هم الي يطلعون يحاسبون ..

لانه ايس احد منهم يطق مشوار علشان طلبيه الا لاصار مهتوي ..

من ناحية الحذر قهو واجب خصوصا انك تخاف يدقس البيت ويشوف متى يغيبون الرجال عن البيت ...

مشكور اخوي نصيحه قيمه ومن القلب للقلب ..

نوره وهبي · 07-29-2008, 02:23 AM

الف شكر لك ولد الرس على التحذير
والله من جد انا كنت اطلب من مطعم والله العظيم ماانتهي من مكالمي الا لازم بااليوم ثلاث مالكات من ارقام غربيه..والله باالبدايه سكت باالنهايه عرفت من صاحب الرقم وهو اللي يرد على مكالماتي باالمعظم..واخيرني صديقه لي ان اخوها والله في استراحه عن اصداقائه طلبو مرره من المطعم..وطل الطلبيه سوري..يقول والله ماازيد على اللي قال صديق صاحبي..انه يقول لسوري اعطنا رقم بنات اللي اليوم طلبو من المطعم..والسوري يعطيهم بمقابل فلوس ويزين لهم الخطط..يقول اخو صديقتي انا تفاجى من صديق صاحي قمه وقاحته..وحذر اهله من انهم يطلون علشان ماتوخذ ارقاهم..حفظنا الله واياهم من شر الفن ماظهر منها وما بطن..

&كبـ متمردهـ ـرياء& · 07-29-2008, 03:19 AM

888888888888888888888888888

معنتاته يعرف اهل البيوت وبشويه خفه من اللعاب عرف اهل البيت وبدا يستفز ويساوم عمى يعميه ..

كلهم كلاب الاجانب اولهم الحظارمة واخرهم البنقاليه الا من رحم ربي ..

لان ولد الديره موب مستعد يضحي بسمعته لان كلن عارفه ...

بصراحه الحمد لله انا لاقال باسم مين اقول اسم واحد ما اقول العائله لو يطير وش يبي ..

بنت الرس · 07-29-2008, 06:42 AM

الحين وراكم تطهرون اعيالنا<<<السم الحمر<<<لاتسألونن عن معناه لاني مادري بس دايم يقولونه العجز
الموهم
موقف حصلي مع مطعم هرفي بالرس
طبعاًالي يرد علي ولد اسعودي "بدبد"واناجوعاااااانه مووووت ماشوف الارقام والله لونه سألن عن اسم امي كا ن قلتله<<<خخخخ الجوع مايلعب وما اشتهيت اكل البيت "ماسكه معي هرفي
تصدقون ماقلت السلام عليكم ع طول"لوسمحت مطعم هرفي ابي وجبة برجر كبير بالجبن"
عاااد الحمار بداء"اختي ممكن عندك اشتراك"ولحمار يسأل واجاوب دلخه يوم وصل رقم البيت عطيته الصحه عطيته العائله تذكيت عليه وعطيته اسم اخوي الصغير<<خخخخخخ اوالله الدجه
يوم بداء يضحك والي جنبه يقولون هاته وش قالت لك تضحك الا اني رنعته بوجهه ولتفت على امي وقلتله
ماشفت الاغباره ولعانه تسكر البيبان تقول اكيد اعيال بالستراحه مهب صاحين الحين يجوننا وماعندنا احد وووو...وبدت تألف قصص رعب يوم عصبت ابي اسوي شوي فرفشه لاتطيح علي وبحل به قلت غديهم يبشرولي ويجبون لي عشاء الاونزرتن عفت عشاي ونمت بدون عشاء"وتووووووبه مادق ع هرفي وغيره"
وسلامتك
خخخخخخخخخ

ولد الرس · 07-30-2008, 02:34 AM

يرفع لتعم الفائده اكثر

بنت الرس · 07-30-2008, 06:19 AM

اقتباس:

المشاركة الأصلية كتبت بواسطة ولد الرس

يرفع لتعم الفائده اكثر

!!!

أدوات الموضوع	ابحث في الموضوع
مشاهدة صفحة طباعة الموضوع أرسل هذا الموضوع إلى صديق	ابحث في الموضوع: بحث متقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	الأقسام الرئيسية	مشاركات	المشاركة الاخيرة
بدء استقبال الطلبات لوظائف عمد في جدة	السديم	منتدى أسواق القصـيم	1	10-24-2008 04:44 AM
الحذر من000000000والحذرمن00000000	النظره الخجوله	منتدى الصحــة	0	10-08-2008 03:50 PM
فني إلكترونيات يحول منزلاً لمكتب خدمات تأجير النساء المخالفات بنسيم الرياض	السديم	التغطيات الاعلاميه واخر الاخبار	1	07-19-2008 02:16 PM
الحذر الحذر سرقة عملاء البنوك بأسلوب الشعوذة والتنويم المغناطيسي	وردة بريدة	معرض الصور	3	07-08-2008 06:03 PM
حمامات للمنازل الكبيره	وردة بريدة	ديكورات واثاث	8	06-09-2008 04:33 AM

يتصفح الموضوع حالياً : 1 (0 عضو و 1 ضيف)

أحذروا كل الحذر من سيارات ودبابات توصيل الطلبات للمنازل

ساحات الحوار والنقاش الجاد