220 & 110

لا إن شاء الله له حل على الاقل ما يتأثرون االي موب قبايل من قررات القبيلي ..

يعني لازم فية حل وسط لأن مادام فيه مشكلة يجب نوجد لها حل او تفاهم .......

لعلي أخطات في تعبيري قبل قليل وسوف يحرر الرد عذرا" ,, وشكرا لك أخي السديم ,,

لكن الذي يقهر بالموضوع بعض العوائل تشري النسب بالملايين وكأن الناس لا يعلمون ,,

وبالتالي تخسر مجتمعه الي هي فيه وتخسر المجتمع الي رافض انهم ينتسبون له ,,

المشكلة تحل بالتفاهم ووضع حل وسط لان مافية شي مستحيل ومستعصي !!

يعني قبل كانت البنت ماله الا ولد عمة والحين تغيرت الامور ..

ماندري وش مخبي لنا بكرى والزمن ,,

يعني كل شي وارد هذا بعض بنات القبايل أخذو اجانب مصرييين وسوريين وبعد إيطاليين وامريكين ,,

وكان اساس الزواج على الدين والصلاح لا نسب ولاغيرهـ ونعم الزيجات هي ولو هي بالامثلة

كان قلت وهم ناس معروفين بالبلد ومعروفين وناس مشايخة ,,

يعني المسألة خاضعة للوقت والجيل الجديد وافكاره ,,

اثاره الموضوع هكذا يثير كثير من التعصب

كل عضو راح يتعصب لقبيلته ولاصله حتى لو انه حبشي

هنا نقول

كلنا ابنا حواء وادم

وامام الله واحد لافرق بين عربي او اعجمي

لاتوجد جنه للتميمي او الشمري او الدوسري او الحربي او الخضيري او الافريقي او او الخ

كلنا امام الله بدرجه واحده لا يفرقنا الا العمل الصالح

فتح مثل هذه المواضيع يجعل العداوه تكثر اكثر من ايجاد الحلول
لماذا
لان الاسلام اول ما نبه له هو التعصب للقبيله

لما لذلك من نزعه لدى الانسان لتعصب لاهله وقومه

فتحها هنا كمن يذر الملح على النار ويزيدها حطبا

قد يظن البعض اني لست قبليه حتى قلت هذا الكلام

قبليه ولا اعتز الا بديني ديني هو ما يفرقني عن غيري من ابنا ادم وحواء

واوافق الراي اخي السديم

لم اقصد بطرحي للموضوع اثاره التعصب والعداوه لا والله لكن انا انقل لكم مافي مجتمعنا ,,
وجميع الردود كانت تذم التعصب وتدعو لتركه وكلن مع (أن اكرمكم عند الله اتقاكم)..
وهذا شئ ايجابي جداً..
ومع العلم ان لكلن الحق الفخر بقبيلته اين كانت لكن مو على حساب احد ثاني وتقليل من شأنه..

الموضوع يحتاج لنقاش لانه لايمكن ان يتجاهل لانه مسبب صدع بالمجتمع ,,

لاهم تركو الحكي فية ولاهم وجدو حل ,,

انا قبيلية والمفروض مايهمني لقو حل ولا لأ!! لكن لما يجيك موقف بنت تتطلق

علشانهم اكتشفو انه مو قبيلية وش ردك مو قمة السخافة يعني ايهم الي يثير البغض

النقاش ولا تصرف ارعن مملموس ويجرح مثل الطلاق ,,,

أنا مواصلة في النقاش إما اقتنع أو اقنع ليس عناد ولكن ما أسكت دون شيئ مقنع ,,

يعني حنا جيل الشباب المفروض نتناقش ونتحاور ونحل الامور حنا متعلمين وفاهمين

وعلى درجة من الثقافة ولا وشلون نعرف نستخدم النت ونحل مشاكلة وعجزين نوجد

لحل مثل هالمعضلة الي تقهر كثير من الناس ,,,,

خصوصا أخوننا الخضيرين !!

يعني لابد من المواجهه اليوم بكرى بعده لازم ننتاقش ونوجد حل على

الاقل لو نزرع مبداء ثابت يرضي الطرفين ,,

يكفي الى متى نكون عرب نتهرب من كل شي يكفي يأس يكفي إذا بتلنا كذا ما راح

نذوق اي نجاح وتميز على المجتمعات الثانية ,,

انا محترهـ ومعصبة لأنه دوم حنا يالقبللين متهمين بالعنصريه على

حساب السنة ناس منا مايثمنون هرجهم وش علشان كذا نبي نتناقش ,,

<<<<<<<<< مازال العضو يحلطم ويـأكل بروحة

يارب اني ما احب اناقش موضوع واقفلة دون ما يكون فية حلول جذرية على الاقل تكفي انه الواحد يقول سويت شي مفيد ..

يارب ان السديم له رأي معقول وصحيح بس أختلاف الاراء لايفسد للود قضية ,,

ويارب اني بنفجر بعد شوي (تراي بالحيل بالحيل باردة اعصابي مرهـ يبي لي سنة عشان احد يفقع مرارتي )


يارب اني ودي اهدي الجو نضحك شوي حسيت اني ضو شابة والمفروض اني اروق ...

يارب من دخل لا يضحك علي تراي مرهـ مرهـ ما اضحك ونا صاكة اسنوني من الغيظ ..

يارب اني <<<< يسد خلاص روحي نامي بس لا تهلوسين !!

شوفو الي يبي يناقش الموضوع ترى داري مفتوح الي هو ملفي وحياكم الله خلو مير رسايل الزوار تنفع هالمرهـ ,,

ودمتم سالمين سلامتك سلامتك انقز والبس بجامتك <<< تذكرت منول علشان ننام بدري ^_^!!

سلام شوفو القضية الي فوق انتم تنهونه ولا انا لو بمسك السريع به ماعندي مانع واترافع به ^_^!!<<<< طويل بالي حتى لو كنت حارهـ ,,

مثل ماقال اخوي السديم مافيه اشكال الافي مسالة الزواج
هذا اللي تربينا عليه وتعلمناه .........
بس هذي مساله حساسه وصعب حلها الله يهدينا