أكبر منك عمرا هل تقبل ام لا ؟

السلام عليكم ورحمة الله وبركاته


موضوع فااجاني واستغربت منه بقول لكم القصه بشكل عادي :)

هذا دق علي واحد جوال اليوم وجلسنا نسولف كعادة الجميع

المهم قال: تعرف فلان قلت: ايه

قال : خطب الرجال
قلت : ماشاء الله الله يوفقه
قال : البنت اللي خطبها اكبر منه بخمس سنوات
قلت " بااستغراب " :الله يوفقهم ان شاء الله

بعد المكالمه جلست شوي وقلت ولد يتزوج بنت اصغر منه هذي دايم ومعقوله وهو الوارد دايم

اما ان ولد يتزوج وحده اكبر منه هذي نادرا نسمع فيها

السؤال

هل انت مع او ضد زواج الرجل(البنت) من شخص اصغر منهـ / ـا سناً ؟ وهل تقبلـ (ين) بزوجه( زوج) اصغر منك ؟

الرسول اللهم صلي وسلم عليه تزوج من خديجه وهي اكبر منه عمرا
يعني الاسلام لم يحرم الزواج او يمنع الزواج من الكبيرات في العمر

لكن نجد في هذا العصر ان اكثر الناس لا يتقبلون الزواج من الكبيرات في السن سوا اكبر منه في اشهر او اكبر منه بسنه او سنتين
ليش :الخوف مو من الزواج لا الخوف فقط من كلام الناس

لانهم ما راح يسكتون راح يقولون ما تزوج من وحده اكبر منه الا ان كل البنات الصغار رفضنه
او ان فيه عيب خلقي وخُلقي ولا حصل احد يزوجه
او اقل شي راح يقولون عنه انه طمع بفلوس الزوجه او الراتب
وراح يقولون عن الزوجه انها ما حصلت احد يتزوجها لان فيها عيب وهذا اللي خلاها تجلس من دون زواج
او سحرته ومن هالبلاوي

يعني خلاصه الكلام الزواج لم يحدد بعمر لكن كلام الناس هو اللي يحدد الزواج
كيف ينظرون له ويقولون عنه

الزواج المناسب برأيي ان يفصل بين عمر الزوج وزوجته خمس سنين يكبرها بالعمر
والرجل كلما ازداد عمرا عن زوجته كان افضل
اما ان تكون الزوجه اكبر فالمجتمع ونظرته له يجعلان من الزواج فاشل ومرفوض اجتماعيا قبل حصوله



والله يوفق اللي خطب والله يسعده في حياته القادمه ويرزقهم البنين والبنات ومبروك عليهم

رايي الشخصي مااايد هذا الشي لان المراءه يبين عليها الكبر اسرع من الرجل
بس اللحين ناس كثير ياخذون اكبر منهم
وبعدين هذا الشي يرجع لطبيعة الشخص وتفكيره لان البعض ياخذ اكبر منه لسبب مادي او مركز اجتماعي
وفيه ناس ياخذون اكبر منه علشان تعقله على قولتهم وتركده
الله يوفق الجميع ويسعدهم
مشكور اخوي احمد على طرح هذا الموضوع المهم

موضووع رائع ويستحق النقااش


صحيح ان الاسلام لم يحرم ان تكون الزوجه اكبر وواعرف الكثيير من تزوج بزوجه اكبر منه لكن كان لابد من الخلافات الكثيره هذا من اللي اشوفه

اما عني انا ارفض وبشده ان اتزوج من شخص اصغر مني

الكثير من اللي يوافق على مثل هالشي يقولك :

الرسول اللهم صلي وسلم عليه تزوج السيده خديجة وهي أكبر منه ..

ولكن ..

من من الرجال يضاهي رسول الله ومن من ساء هذا الزمان تعادل خديجة رضي الله عنها

لا أحد ..

ولا الزمن هو الزمن والمجتمع غير ..

من وجهت نظري ..

مستحيييييييييييييييييييييييييييييييييل

اتزوج واحد أصغر مني لو شو مايصير ..

الحين الرجال هم أنفسهم يهبلون بحريمهم اذا الفرق بسيط ويقولها عجزتي ومادري أيش

وشلون عاد اذا كانت اكبر منه ..
الله يعطيك العافيه ,,,

مادري على حسب ظروف الاشخاص

لكن


احس افضل شي يكون الزوج اكبر من زوجته

بصراحه انا مافضل اني اتزوج اصغر من الافضل انه اكبر مني 6سنوات
وبعدين ليش مستغرب في نااااس كثير تزوجو اكبر منهم وعاشو من احسن مايكون
وبعدين لا تنسون الرسول صلى الله عليه وسلم تزوج خديجه!
يعني عادي مو شي غريب....
تحياتي

هو بصراحة عادي بس قعدت اتخيل إني أخذ واحد عمره تحت العشرين واوووووووك ماتجي ابد وربي يضحك احس اني اقعد اربيه واعلمة الصح والغلط ..

بعدين هذا الوقت عساك تلقى واحد راكد ورجل وسنع ويعتمد علية موب اصغر من الحرمه بخمس سنين ....

مدري هو ماهو غلط بقدر ماهو مدري وش اقول امر مضحك بالنسبة لي احساسي انه تكون مثل امة وليست زوجتة ..

فعلا سؤال يخليك توقف عنده ومحير ..

بالنسبة لي أنا أعتبر فارق ثلاث سنين يكبر فبها الزوج عن زوجته قليلة نسبيا مابالك الفرق من جهة الزوجة ..

بإعتقادي راح يفسر الزواج في أغلب الاحيان طمع <<< هذا اول مايخطر على مجتمعنا وهذي حقيقه ..

الفرق الزايد مو حلو ابد يعني لو كان الفارق سنه سنتين بالكثير اهون شوي لكن خمس مادري اخاف يعايرها ولاشي زي كذا ..

مع انه رسولنا الكريم صلى الله عليه وسلم كان الفارق 15 سنه لكن هذا نبي ورسول كريم ومقارنته مع باقي البشر صعبة ..

مسألة التأييد والرفض القطعي ليست باليد والمثل يقول (الجيزه مثل الميته) يعني كلها قسمة ونصيب ..

لكن مثل ماقالت ورده السنة الناس لاترحم ابد ..

وبالنسبة لي الرجل رجل في كل وقت يستند عليه صغر سنه او كبر لكن أن يكبرني فهذا ما أفضله والفارق مايكون كبير علشان مستوى التفكير يكون متقارب ..

بصراحة اتمنى له التوفيق والسعادهـ وانه يحفظه وإياها من شر الحاسدين وأن الله يجمع مابينهم في تقى وعيش رغيد وتآلف ويرزقهم بذرية صالحة ..


موضوع فعلا راق لي وأعتبرهـ موضوع غفلنا عنه كثيرا" تشكر أخي أحمد لطرحة دمت بود ..

اعتقد ان المووضوع يـرجع لتفكير واحساس كل شخص
بالنسبة لي ماعتقد ان الزواج بيكون ناجح
لان طال الزمن او قصر الرجل مهما كان متعلق بزوجتة عند اتفة الاسباب يعايرها بفارق السن بينهم ..بارك الله فيك على الموضوع المميز ,,شكرا لك ,,,